Мэдээ мэдээлэл

АЗИЙН МОРИН УРАЛДААНЫ ХОЛБООНЫ 35-Р БАГА ХУРАЛД ММСУХ-НЫ ТӨЛӨӨЛӨГЧИД ОРОЛЦЛОО

Бага хуралд Азийн морин уралдааны холбооны гишүүн 25 улсын 1500 гаруй төлөөлөгчид хуран чуулж Азийн морин уралдааны холбооны Гүйцэтгэх зөвлөл, Менежментийн хороо, Азийн морины бүртгэлийн хорооны хурлууд зохион байгуулагдлаа.

Азийн морин уралдааны холбооны ээлжит 35 дугаар Бага хурал энэ сарын 4-8-ны өдрүүдэд Хонконг улсад зохион байгуулагдлаа.  

Тус бага хуралд Улсын Их Хурлын Дэд дарга, ММСУХ-ны Ерөнхийлөгч М.Энхболд, ММСУХ-ны Дэд тэргүүн Х.Бат-Эрдэнэ, Ерөнхий нарийн бичгийн дарга П.Сэргэлэн, Монгол Улсын Хөдөлмөрийн баатар, Монгол Улсын Тод Манлай уяач Д.Даваахүү болон Тэргүүлэгчид болон Ажлын албаны холбогдох хүмүүс эх орноо төлөөлөн амжилттай оролцсон юм.  

Энэ удаагийн Бага хуралд Азийн морин уралдааны холбооны гишүүн 25 улсын 1500 гаруй төлөөлөгчид хуран чуулж Азийн морин уралдааны холбооны Гүйцэтгэх зөвлөл, Менежментийн хороо, Азийн морины бүртгэлийн хорооны хурлууд зохион байгуулагдлаа. 

Монголын морин спорт, уяачдын холбооны Ерөнхийлөгч М.Энхболд, Ерөнхий нарийн бичгийн дарга П.Сэргэлэн болон дагалдан яваа төлөөлөгчид дээрх хуралдаанд оролцон Холбооны бодлого, үйл ажиллагаа, цаашдын төлөвлөсөн үйл ажиллагааны талаар танилцуулга мэдээлэл хийж, Азийн морин уралдааны холбооны бодлого, үйл ажиллагааг тууштай дэмжин, гишүүн улсуудтай хамтын ажиллагаагаа улам бэхжүүлэхээ илэрхийллээ.  

 

Хурлын төлөөлөгчид Ази тивийн хэмжээнд морин уралдааны хөгжил, тулгамдсан зарим асуудал болох морин уралдааны нийгэм эдийн засагт оруулах хувь нэмэр, бооцоот уралдааны цаашдын чин хандлага, спортын телевизийн сүүлийн үеийн шилдэг технологи, шударга өрсөлдөөн болон допингын  хяналт,  морьдын шилжилт хөдөлгөөн зэрэг асуудлыг хэлэлцэн тодорхой нэгдсэн шийдэлд хүрсэн байна.

Энэ удаагийн 35 дугаар бага хурлын үеэр Дэлхийд томоохонд  тооцогдох “The Hongkong Jockey club” – морины уралдаан, Азийн цомын төлөөх уралдаан, Хурдан морины хэрэгсэл, дэд бүтэц, үйлдвэрлэлийн талаар үзэсгэлэн худалдаа, Хонконг улстай танилцах аялал зэрэг олон сонирхолтой арга хэмжээнүүд явагдлаа.

ММСУХ-ны Хэвлэл мэдээллийн тусгай албаны хүмүүсийг оролцуулан бэлтгэсэн дэлгэрэнгүй мэдээ, мэдээлэл, сурвалжлагыг Та бүхэнд удахгүй цувралаар хүргэх болно.

“ДЭЛХИЙН АВАРГА”-ЫН БАЯРТ ММСУХ-НЫ УДИРДЛАГУУД ХҮНДЭТГЭЛ ҮЗҮҮЛЛЭЭ Морьтон монголчуудын эв санаа, хүсэл зорилгын нэгдэл болсон ММСУХ-ны 20 жилийн ойтой давхцан нэгэн түүхэн үйл явдал болсон нь монгол уяачийн шинжин таньж, уяж сойсон хүлэг дэлхийн хэмжээний уралдаанд түрүүлсэн явдал байлаа. Энэхүү гайхамшигт үйл явдал нь 2015 оны 10 сарын 31-нд АНУ-ын Кентукки мужийн Лексингтон хотноо болсон юм.
ММСУХ-ны “МОНГОЛ УЯАЧ-3000” уяачдын зөвлөлгөөн Багануур дүүрэгт болов Монголын Морин Спорт Уяачдын Холбоо 2012 оныг салбар холбоодыг бэхжүүлэх, хөгжүүлэх жил болгон зарласантай холбогдуулан хөдөө орон нутгийнхаа уяачид, хурдан морины зүтгэлтнүүдын санал бодлыг сонсох “МОНГОЛ УЯАЧ-3000”уяачдын зөвлөлгөөнийг аймгуудын салбар холбооддоо зохион байгуулж байгаа билээ.
2014 Оны шилдэг салбар холбоо Дундговь аймгийн “ Нарны хүлэг ” МСУХолбооны сүлд дуу Дундговь аймгийн “Нарны хүлэг” МСУХолбоо нь 2014 оны эхэнд 22 –зорилтот ажил санаачлан тэргүүлэгчдийн хурлаараа хэлэлцэн баталсан. Аймгийн Хавар , Зуны бүсийн уралдааныг 3- бүсэд хуваан зохион байгуулсан. Засгийн газрын тогтоолтой“Их мандлын-3” Төвийн бүсийн уралдааныг 2014 оны 07-сарын 25-27 ны өдрүүдэд амжилттай зохион байгуулсан. Дундговь аймгийн хэмжээгээр Аймаг ,Сумын МСУХ-нь 131- уралдаан амжилттай зохион байгуулж 90- жилийн ойгоо тэмдэглэсэн 7- суманд хурдан морь уралдах , замыг үзэж танилцан сум бүрт гарааны төхөөрөмж хийж өглөө.