АЙМАГ, НИЙСЛЭЛ, СУМ, ДҮҮРГИЙН МСУХ, НИЙТ УЯАЧИД, ГАЛ УЯАНЫ ХАМТ ОЛОН, ЭЦЭГ ЭХЧҮҮДЭД.
ММСУХ
АЙМАГ, НИЙСЛЭЛ, СУМ, ДҮҮРГИЙН МСУХ, НИЙТ УЯАЧИД, ГАЛ УЯАНЫ ХАМТ ОЛОН, ЭЦЭГ ЭХЧҮҮДЭД.
Зуны хурдан морины уралдааны бэлтгэл ажил эхэлж, уралдаан, наадмууд өрнөхтэй холбогдуулан Монголын Морин Спорт, Уяачдын Холбооноос дараах уриалгыг хүргэж байна.
Уралдаанч хүүхдүүдийн эрүүл мэндийн аюулгүй байдалд онцгойлон анхаарахыг нийт уяачид, эцэг эх, гал уяаны хамт олонд уриалж байна. Үүнд:
• Хурдан морины бэлтгэл, сургуулилтын явцад уралдаанч хүүхдүүдийг стандартын шаардлага хангасан хамгаалалтын хувцас, хэрэглэлийг бүрэн өмсгөж оролцуулах.
• Сургуулилтыг аюулгүй, тохиромжтой зам талбайд зохион байгуулах.
• Уралдаанч хүүхдүүдийг гэнэтийн ослын жилийн даатгалд заавал хамруулах. Энэхүү даатгал нь ахуйн болон бусад нөхцөлийн эрсдэлд хамаарах тул зөвхөн уралдаанд оролцохоос өмнө бус, урьдчилан даатгуулахыг анхааруулж байна.
• Сургуулилтыг цаг агаарын тааламжтай, тохиромжтой нөхцөлд явуулах.
Эдгээр шаардлагыг чанд мөрдөх нь хүүхдийн аюулгүй байдлыг хангах, осол гэмтлээс урьдчилан сэргийлэхэд чухал ач холбогдолтой юм.
Хүүхдийн аюулгүй байдал бол бид бүхний нэн тэргүүний зорилт байх ёстойг сануулъя.