Мэдээ мэдээлэл

Монголын уяачид олон улсын морины “Hippologica-2009” үзэсгэлэнд амжилттай оролцоод ирлээ.

Монголын уяачдын төлөөлөл ХБНГУ-ийн нийслэл Берлин хотноо 2009*12*10-13 ны өдрүүдэд болсон олон улсын морины “Hippologica-2009” үзэсгэлэнд амжилттай оролцоод ирлээ.

Үзэсгэлэнд ММСУХ ны ерөнхий нарийн бичгийн дарга П.Сэргэлэн тэргүүтэй Монгол улсын тод манлай уяач Ц,Дуламсүрэн , Монгол улсын тод манлай уяач Ц.Аюуш Монгол улсын алдарт уяач Г,Баттөмөр Хэнтий аймгийн Морин спорт уяачдын холбооны тэргүүн Н.Санжаадорж , Сүхбаатар аймгийн Морин спорт уяачдын холбооны тэргүүлэгч Г.Амартайван ,Булган аймгийн Морин спорт уяачдын холбооны тэргүүн П.Мэндбаяр , Улаанбаатар хотын Морин спорт уяачдын холбоо Л.Цагаандалай ,Ө.Алтанхуяг ,зурагчин Будхуу ,зураглаач ,найруулагч ,сэтгүүлч Я.Болдбаатар нарын өргөн бүрэлдэхүүнтэй баг оролцоод иржээ.

Монгол улс энэ жил тус үзэсгэлэнгийн “Түнш орон”-оор шалгарч оролцсон бөгөөд “Hippologica-2009” үзэсгэлэнгийн нээлтийн хэвлэлийн бага хурал Монголын павилонд болж дэлхийн 40 гаруй орны сурвалжлагч сэтгүүлчид Монгол гэрт зочилон хэвлэлийн бага хуралд оролцжээ.

ММСУХ Монгол улсынхаа төрийн дуулалыг Берлиний тэнгэрт эгшиглүүлж уг үзэсгэлэнд морьтны гайхамшиг үзүүлбэрээ үзүүлж ,хурдан мориныхоо цолыг дуудаж,Монголын хурдан морины уралдааныг харуулсан фото зургийн үзэсгэлэн гаргаж , хурдан морины уралдааны видео бичлэг,монголын морины соёл , нүүдэлчдын соёл ,аж амьдралыг харуулсан 2 баримтат кино ,ил захидал , ширээний календар зэргийг европын морь сонирхогчид,морины мэргэжилтэнүүдэд дэлгэн сонирхуулжээ.

Тус үзэсгэлэнд дэлхийн 40 гаруй орны 240 гаруй спортын холбоод ,морины эдлэл хэрэгсэл, эм тариа, тэжээл үйлдвэрлэгч пүүс компаниуд оролцсон байна.

ММСУХ уг үзэсгэлэнгийн үеэр Бельгийн эрдэм шинжилгээний байгуулагатай хамтран “Хурдан морины шүдийг эрүүлжүүлэх “ төсөл хэрэгжүүлэхээр тохиролцож  гарын үсэг зуржээ.

Мөн ММСУХ Европын морин уралдааны холбоо , Берлин Бранденбургийн холбоо , Морин спортын томоохон сэтгүүл хэвлэл мэдээлэлийн газруудтай харилцан холбоо тогтоож цаашид хамтран ажиллах болжээ.

ММСУХ-ны ерөнхийлөгч М.Энхболдын урилгаар Германы Бундестагын гишүүн ,Европын морин уралдааны холбооны ерөнхийлөгч Петер Данскерт Монгол улсын Үндэсний их баяр наадмын үеэр айлчлахаар болсон байна.

Ийнхүү ММСУХ гадаад харилцаагаа амжилттай хөгжүүлж,монгол уяач дэлхийн морьтон ард түмэнтэй мөр зэрэгцэн морины хөгжлийн төлөө хамтран зүтгэх ажлын алхмаа амжилттай хийлээ.

МУ-ын Тод манлай уяач Ц.Хэнмэдэх: Яваандаа морио хайрлаад дараагийн наадам бий шүү дээ гээд уужирдаг болчихдог юм Унаган адуугаараа наадан улсын тэр тусмаа дээд цолонд хүрсэн хийморилог нэгэн бол Монгол улсын Тод манлай уяач Цэрэнгийн Хэнмэдэх юм.
“Молор-Эрдэнэ” одонг Батсүхийн Наранхүү гардан авав. Дэлхийн их өв соёл, Үндэсний хурдан морины уралдааныг хөгжүүлэх үйлсэд үнэтэй хувь нэмэр оруулж, олон наадам, хурдан морины уралдааныг санаачилан ивээн тэтгэж, монгол адууны үнэлэмжийг дэлхийн түвшинд хүргэсэн
ММСУХ-ын Ерөнхий нарийн бичгийн дарга Ч.Хишигбаатар: НИЙГМИЙН ЗАХИАЛГЫГ БОДЛОГО, ҮЙЛ АЖИЛЛАГААНДАА ТУСГАЖ АЖИЛЛАНА Монголын Морин Спорт Уяачдын Холбооны VII Их хурлаас бүтэц, зохион байгуулалтын шинэчлэл хийсэн тухай өмнөх дугаартаа мэдээлсэн. 24 жилийн баялаг түүхтэй, Монголын хамгийн том төрийн бус байгууллагын өдөр тутмын үйл ажиллагааг удирдан чиглүүлэх үүргийг Чимэддоржийн Хишигбаатар хэмээх залуу хариуцахаар болсон тухай уншигчид дуулсан байх. Бид энэ удаагийнхаа зочин хойморт ММСУХ-ны шинэ Ерөнхий нарийн бичгийн даргыг  урьж, хийж хэрэгжүүлсэн хийгээд, цаашид баримтлах бодлогын талаар цөөн хором ярилцлаа.