Мэдээ мэдээлэл

ТҮҮХТ ОЙГООРОО “100 ЖИЛИЙН ИХ ХҮЛЭГЧ”-ИЙГ ТОДРУУЛНА.

ММСУХ

2021/03/26

Монголын морин спорт, уяачдын холбооны Тэргүүлэгчдийн 2021 оны 03 дугаар сарын 19-ний өдрийн ээлжит хуралдаанаар Ардын хувьсгалын 100 жилийн түүхт ойг тохиолдуулан “100 ЖИЛИЙН ИХ ХҮЛЭГЧ”-ийг шалгаруулж 100 сая төгрөг, “АЙМАГ НИЙСЛЭЛИЙН ШИЛДЭГ ХҮЛЭГЧ”-ийг шалгаруулж 10 сая төгрөгөөр шагнаж урамшуулан, алдаршуулахаар шийдвэрлэсэн байна. Хүлэгчийг тодруулахдаа холбооноос ажлын хэсэг гарган болзол, шалгуурын дагуу тодруулж, Ардын хувьсгалын 100 жилийн ойн баяр наадмаар шагнаж урамшуулахаар тэргүүлэгчдийн тогтоол гаргасан байна. Мөн хурлын үеэр 21 аймаг тус бүрээс хүлэгчийг тодруулж, алдаршуулах санал гаргасныг Ажлын хэсэгт хэрхэн шийдвэрлэх талаар саналаа боловсруулж тэргүүлэгчдийн хуралд танилцуулж шийдвэрлэх эрх олгож даалгасан байна.

                                                                       

 

       

                                                                                                           МОНГОЛЫН МОРИН СПОРТ, УЯАЧДЫН ХОЛБОО

Санал болгох
“Алтан морь” шагналын эзнээр НМСУХолбооны Тэргүүн М.Мөнхбаясгалан тодорлоо Монголын хурдан морины уралдааныг хөгжүүлэх үйлсэд өөрийн оюун ухаан, бие сэтгэл, хөрөнгө хүчээ зориулан, ММСУХ-ны бодлого үйл ажиллагааны хүрээнд амжилттай ажиллаж, Монголын үндэсний их өв соёл хурдан морины уралдааны түүхэнд гарамгай гавьяа байгуулсан хурдан морины зүтгэлтэнд жилд нэг удаа олгодог Азийн Морин Уралдааны холбооны дээд шагнал “Алтан морь” шагналыг ММСУХ-ноос санаачилан бий болгосон билээ. “Алтан морь” шагнал нь тухайн жилдээ хурдан морины үйлсэд онцгой амжилт гаргасан байгууллага, иргэнд олгогдож байх юм.
Хаврын уралдааны талаар аймаг, нийслэл, сум, дүүргийн салбар холбоод, гишүүдэд үүрэг чиглэл өглөө Хаврын уралдааны зохион байгуулалтыг сайжруулах, уралдаанч хүүхдийн аюулгүй байдлыг хангах асуудлыг хэлэлцээд аймаг, нийслэл, сум, дүүргийн салбар холбоод, нийт гишүүд, уяачдад холбогдуулан дараах үүрэг чиглэлийг хүргүүлж байна
“МОНГОЛЫН ШИГШМЭЛ ХУРДАН МОРЬДЫН ИХ ХУРД-VII” уралдааны азарганы албан ёсны цуваа Монголын Морин Спорт Уяачдын Холбооноос гурван жил тутамд зохион байгуулдаг “Монголын шигшмэл хурдан морьдын ИХ ХУРД-VII” уралдаан долоо дахь удаагаа өргөн дэлгэр сайхан болж өнгөрлөө.