Мэдээ мэдээлэл

ММСУХ Хурдан морь унаач хүүхдийн даатгалыг хариуцна

ММСУХ – Монголын үндэсний их баяр наадмын нэгэн төрөл хурдан морины уралдааны зохион байгуулалтанд онцгой анхаарч байгаагийн тод илрэл нь Хурдан морь унаач хүүхдийн даатгалын асуудал юм.

ММСУХ шинэчлэгдэн байгуулагдсанаасаа хойш 2009-2012 онд хийж гүйцэтгэх ажлын стратеги, төлөвлөгөөг тэргүүлэгчдийн хурлаараа батлуулан ажиллаж байгаа билээ.

                                           

Үүний дотор үндэснийхээ спортоор хичээллэж байгаа Хурдан морь унаач хүүхдийн даатгалын асуудлыг шийдвэрлэнэ гэсэн ажил төлөвлөжээ.

Уг ажлын хүрээнд ММСУХ хурдан морь унаач хүүхдүүдийн даатгалыг энэ жилээс эхлэн бүтэн жилийн турш 100 хувь хариуцахаар болж UB даатгал компанитай хамтран ажиллах гэрээ хийн ажиллаж эхлэв.

Уг даатгалын гэрээ ёсоор Хурдан морь унаач хүүхдэд бүтэн жилийн турш зөвхөн хурдан морь унаж байх үеийн эрсдлээс гадна ахуйн болон бусад гэнэтийн ослоос 100 хувь даатгагдсан байгаагаараа  ихээхэн онцлогтой, үр дүнтэй ажил юм.

Тухайлбал: Хурдан морь унаач хүүхэд гар хөлөө санамсаргүй тулгах, авто тээврийн осолд орох, бие нь өвдөх гэх мэт бүхий л эрсдлийн үед даатгагдсан гэсэн үг юм.

 

Энэ ажлыг уяачид, хүүхдийн эрхийн байгууллагууд нийт ард иргэд ихэд талархан  дэмжиж байна.

Их хурд-8, Монгол туургатны морьтны өв, соёлын наадмын өнөөдрийн хуваарь "Их Хурд-8" уралдааны үеэр үндэсний их өв соёлыг бүхэлд нь цогцоор нь түгээн дэлгэрүүлж, уламжлуулан хөгжүүлэх зорилготой “Монгол туургатны морьтны өв, соёлын наадам" энэ үеэр болж байгаа юм.
Тулгар төрийн 2224, Их Монгол Улсын 809, Ардын хувьсгалын 94 жилийн ойн Үндэсний их баяр наадмын хурдан соёолонгийн уралдааны бичлэг Хурдан соёолон насны уралдаанд газар газрын шандаст 264 хүлэг бүртгүүлснээс 196 нь гарааны зурхайгаас нэгэн зэрэг эргэснээс:
Монгол улсын Тод манлай, Манлай, Алдарт уяачид шинээр төрөн гарлаа. Монголын уламжлалт төрт ёсны эрийн гурван наадмын нэг хурдан морины уралдаанд уяж сойсон хурдан хүлэг морьдоо түрүүлгэж, айрагдуулсан уяачид Монгол улсын Тод манлай, Манлай, Алдарт уяачийн цолны болзолыг биелүүлжээ.