Хангайн бүсийн хурд-2009 уралдааны хурдан даага барианд орлоо
Ламын Гэгээн Лувсанданзанжанцаны түмэн өлзий гийсний 370 жилийн ойн Даншиг наадам буюу Хангайн бүсийн хурдан морины уралдааны эхний өдөр бага 3 насны морьд уралдаж дааганы уралдаанаар өндөрлөлөө.
1 - т Хурдан дааганы түрүү магнайг Говь - Алтай аймгийн Баян - Уул сумын уугуул Макс группын ерөнхийлөгч МУ - ын Тод манлай уяач Д.Ганбаатарын Хээр даага тод магнай торгон жолоогоо өргүүлж түмэн олныг баясгалаа.
2 - т Ховд аймгийн Ховд сумын харьяат Б. Буяннэмэхийн Хонгор даага урамтай сайхан уралдаж аман хүзүүнд хурдаллаа.
3- т Өвөрхангай аймгийн Бүрд сумын харьяат Ч. Пэрэнлэйгийн Бор даага айргийн 3 - т хурдаллаа. Бор даага энэ жилийн улсын наадамд айргийн 4- т хурдалж байсан билээ.
4 - т Төв аймгийн Баянцогт сумын харьяат МУ - ын манлай уяач Одгэрэлийн уясан Батхүүгийн Зээрд даага айргийн 4- т хурдаллаа.
5 - т Энэ наадамд хурдан хээр даага нь түрүүлсэн Тод манлай уяач Д.Ганбаатарын Сартай хээр даага айргийн 5- д хурдалж хурсан олныг баясгалаа.