Мэдээ мэдээлэл

Монголын Морин Спорт Уяачдын Холбоо уриалга гаргав.

Монгол орны ихэнх нутагт цас зуд нүүрлэж, зарим аймагт гамшгийн байдалтай байгаа энэ цаг үед Монголын Морин Спорт Уяачдын Холбооны гишүүд, нийт уяачиддаа болон хурдан морь сонирхогч та бүхэндээ хандан уриалга гаргаж байна.

Малын бэлчээр, өвс тэжээл хомсдож, боодол өвс, шуудай тэжээл нэн чухал байгаа энэ үед уяач та бүхнийг халуун сэтгэлээсээ  өглөгийн гараа сунгахыг уриалж байна.

Морь уядаггүй малчин хүн гэж үгүй. Адуун сүрэг бэлчдэггүй газар нутаг гэж үгүй билээ. Иймийн учир Хурдан морины босоо цагаан хиймориор Монгол наадмын тэнгэрийг цэлмүүлж, түмэн олноо цэнгүүлэн баярлуулдаг мянга мянган уяачдыг эгнээндээ нэгтгэсэн Монголын Морин Спорт Уяачдын Холбоо ХААН банкны Барс тооцооны төвд 5015158330 дугаарын дансыг нээж өвөлжилтын байдал хүндэрч, зудад нэрвэгдсэн малчин түмэндээ халуун сэтгэлээсээ тус дэмээ үзүүлэхийг нийт гишүүд, уяачид, салбар холбоод хамтран ажилладаг байгууллага хүмүүс, морь сонирхогчид, ард түмэндээ уриалж байна.

 

 Хурдан морины босоо цагаан хийморь та бүхнийг үргэлж ивээж, Монгол түмний заяа буян үргэлж өөдөө байх болтугай

 

 Хандивын данс № 5015158330  

 

 Монголын Морин Спорт Уяачдын Холбоо

 

  2010.01.17

Монгол тахь Монголын говьд дэлхийд ховор сонин амьтад олныг үзэж чадна. Түүний нэг нь говийн зэрлэг адуу - тахь юм.
Эрдэнэт хотын 40 жилийн ой “Эрдэнэт хурд-2016”хангайн бүсийн уралдааны хурдан эрлийз дээд насны албан ёсны цуваа 1. Завхан аймгийн Эрдэнэсайхан сумын уугуул Намжилсүрэнгийн Даш-Өлзийгийн цавьдар азаргыг 12 настай уралдаанч хүү М.Билгүүнтөгс унаж түрүү магнайд хурдлууллаа
Түрүүлж, айрагдсан 20 хурдан морь унаач хүүхдээ шагнаж урамшууллаа. Монголчууд биднийг бусад улс, үндэстнээс Монгол хүн гэж ялгаж байдаг зүйл бол манай үндэсний өв их соёл билээ. Тэр их өв соёлын нэгээхэн хэсэг бол Монголын үндэсний хурдан морины уралдаан.