Мэдээ мэдээлэл

Төвийн бүсийн уралдааны хамгаалалтанд цагдаагийн 700 гаруй албан хаагч ажиллана

ММСУХ-ноос энэ амралтын өдөр болох төвийн бүсийн уралдаантай холбогдуулан мэдээлэл хийлээ. Энэ удаагийн төвийн бүсийн уралдаан Засгийн газрын тогтоолын дагуу Хүйн долоон худагт зохион байгуулагдах бөгөөд их насны морьд  18, соёолон, эрлийз дунд ангиллын хүлгүүд 14 км зайд шандас сорих юм.

ММСУХ-ноос энэ амралтын өдөр болох төвийн бүсийн уралдаантай холбогдуулан мэдээлэл хийлээ. Энэ удаагийн төвийн бүсийн уралдаан Засгийн газрын тогтоолын дагуу Хүйн долоон худагт зохион байгуулагдах бөгөөд их насны морьд  18, соёолон, эрлийз дунд ангиллын хүлгүүд 14 км зайд шандас сорих юм.

Өнгөрсөн жилийн “Дүнжингаравын хурд-2018” уралдаан нэлээдгүй хэл ам дагуулсантай уялдан ММСУХ-ны удирдлагууд зохион байгуулалт,эмх журам тал дээр ихээхэн анхаарал хандуулж байгаа гэнэ. Энэ хүрээнд Г.Пунцагбалжир агсны нэрэмжит төвийн бүсийн уралдааныг Батлан хамгаалах яамны Зэвсэгт хүчний жанчин штаб, ЦЕГ-тай хамтран өндөр харуул хамгаалалт дор зохион байгуулахаар шийдвэрлэжээ. Уралдаан зохион байгуулах комиссын дарга, Тод манлай уяач Ө.Пүрэвбаатар: “Эмх журмыг чандлан сахиулахаас гадна аливаа эрсдлээс урьдчилан сэргийлж, уралдааны замд өөрчлөлт оруулан жалга, гуу гэтлэхээргүй болгосон. Мөн хуурайшилт ихтэй байгаа учир долоо хоногийн эхнээс услалт хийгдэж эхэлсэн. Ийнхүү зохион байгуулагчдын зүгээс идэвхи санаачлагатай ажиллаж байгаа учир уралдаан маань сайхан болох байхаа. Уяачид та бүхэн уралдаандаа өргөнөөр оролцоорой. Мөн нийслэлчүүд та бүхнийгээ амралтын өдрөө ая тухтай өнгөрөөнгөө хурдан хүлгийн хиймориос адис авахыг уриалж байна” гэлээ.

Харин цагдаагийн байгууллагыг төлөөлж  ирсэн ЦЕГ-ын НХЖХ, ОНАБХА-ны ОНАБХГ-ын дарга, дэд хурандаа Ц.Цэрэнпунцаг: “ЦЕГ ММУСХ-той хамтран ажиллахдаа өнгөрсөн жилийн улсын баяр наадмын жишгийг дагана. Өнгөрсөн жилийн наадмаар бид уралдаан дагадаг машиныг тоог хязгаарлаж чадсан. Энэ удаа тэр жишгийг баримталж ажиллана. Өөрөөр хэлбэл зайлшгүй шаардлагатайгаас бусад машиныг дагуулахгүй.  Манай байгууллагын зүгээс уралдааны дэг журмыг сахиулахад 700 гаруй албан хаагч ажиллана. Ингээд “уяачид, үзэгчид та бүхэн гэмт хэрэг зөрчлөөс урьдчилан сэргийлж, зохион байгуулж буй арга хэмжээнд соёлтой оролцож, сонор сэрэмжтэй байхыг хүсье” хэмээсэн юм.

Уралдааны үеэр мөрдөгдөх дүрэм журмын тухайд ММСУХ-ны тэргүүлэгч, хуульч  Т.Төрбат  тайлбар хийсэн бөгөөд “Дэвшилтэт технологи ашиглан, хүний оролцоо багатай, олон нийтэд ил тод байх зарчмаар сэрвээний өндрийг хэмжинэ. Зохион байгуулах комиссоос уралдааны үед мөрдөгдөх журмыг баталсан. Морь бүртгүүлэхээр ирэхэд тарааж өгнө. Уяачид та бүхэн сайн танилцаарай.

Мөн морьдоо эмээллэхдээ сэрвээний өндрийг халхалж болохгүйг сануулах байна. Дээрх шаардлагыг хангаагүй тохиолдолд уралдааны замд гаргахгүй байх хүртэл арга хэмжээ авах болно” хэмээн мэдэгдсэн юм.

Харин  ажлын албаны дарга Б.Батбаатар: Уралдааны бүртгэл 10, 11-ний өдрүүдэд Өлзийт хороолол дахь 59-р сургууль дээр өглөө 10-с орой 18 цаг хүртэл явагдана. Бүртгэлийг Зэвсэгт хүчний  013-р ангийн албан хаагчид хариуцах бөгөөд ММСУХ хяналт тавьж ажиллана. Сэрвээний өндрийг хэмжихэд цаг хугацаа шаардагдах учраас урьдчилан бүртгэж байгаа. Уралдааны замд тавиач хүүхэд гаргахүй тул уяачид ур чадвар сайтай, унах туршлага илүүтэй  хүүхдээрээ унуулаарай.” Гэсэн юм.

Б.Хастөр

ММСУХ-ын Ерөнхий нарийн бичгийн дарга Ч.Хишигбаатар: НИЙГМИЙН ЗАХИАЛГЫГ БОДЛОГО, ҮЙЛ АЖИЛЛАГААНДАА ТУСГАЖ АЖИЛЛАНА Монголын Морин Спорт Уяачдын Холбооны VII Их хурлаас бүтэц, зохион байгуулалтын шинэчлэл хийсэн тухай өмнөх дугаартаа мэдээлсэн. 24 жилийн баялаг түүхтэй, Монголын хамгийн том төрийн бус байгууллагын өдөр тутмын үйл ажиллагааг удирдан чиглүүлэх үүргийг Чимэддоржийн Хишигбаатар хэмээх залуу хариуцахаар болсон тухай уншигчид дуулсан байх. Бид энэ удаагийнхаа зочин хойморт ММСУХ-ны шинэ Ерөнхий нарийн бичгийн даргыг  урьж, хийж хэрэгжүүлсэн хийгээд, цаашид баримтлах бодлогын талаар цөөн хором ярилцлаа.
Их Хурд-8: Ц.Чимэдбавуугийн хүрэн халзан түрүүллээ “Их Хурд-8” наадмын  шилмэл хурдан морины уралдаанд оролцохоор 32 хүлэг бүртгэгдсэнээс 30 хүлэг гарааны зурхайгаас хөдөлсөн бөгөөд айргийн тавд дараах уяачдын хурдан хүлгүүд хурдалсан. 
Үндэсний их баяр наадам Азарганы уралдаан Ардын хувьсгалын түүхт 90 жилийн ойн адуун сүргийн манлай хурдан азарга барианд орлоо. Азарганы уралдаанд эх орны өнцөг булан бүрээс цугларсан 370 гаруй шандаст хүлгүүд тоосоо өргөснөөс: