Мэдээ мэдээлэл

ММСУХ Дэлхийн Үндэсний Спортын Холбоонд гишүүнээр элслээ

Монголын Морин Спорт Уяачдын Холбоо гадаад харилцаагаа бэхжүүлэх, тэлэх бодлогыг баримталсаар ирсэн. Энэхүү бодлогын хүрээнд Азийн болон Дэлхийн морин уралдааны холбоонд гишүүнээр элсэж байсан бол өнөө жилээс Дэлхийн үндэсний спортын холбоонд харьяалагдахаар болжээ.

Монголын Морин Спорт Уяачдын Холбоо гадаад харилцаагаа бэхжүүлэх, тэлэх бодлогыг баримталсаар ирсэн. Энэхүү бодлогын хүрээнд Азийн болон Дэлхийн морин уралдааны холбоонд гишүүнээр элсэж байсан бол өнөө жилээс Дэлхийн үндэсний спортын холбоонд харьяалагдахаар болжээ.

Тодруулбал 4 сарын 20, 21-ний өдрүүдэд Казахстан улсын Алма-Ата хотноо болсон Дэлхийн үндэсний спортын II Их хуралд Ерөнхийлөгч Цогтын Батсайхан, Гадаад харилцаа судалгаа, сургалтын бодлогын хорооны дарга Пүрэвийн Сэргэлэн нарын Монголын Морин Спорт Уяачдын Холбооны төлөөлөгчид оролцсон байна. Дэлхийн 109 оронд гишүүнчлэлтэй тус холбоо үндэсний уламжлалт хэв шинжит соёлын өв болсон спортыг хамгаалан хөгжүүлэх бодлого баримталдаг бөгөөд манай төлөөлөгчид гишүүнээр элсэх хүсэлтээ илэрхийлж, таатай хариу хүлээн авчээ.

Өөрөөр хэлбэл ирэх зун Дэлхийн үндэсний спортын холбооны төлөөлөгчид манай улсад айлчилж, гишүүнээр бүртгэсэн тухай албан ёсны батламжаа гардуулахаа амласан байна.

Ийнхүү ММСУХ –ны удирдлагууд өв соёлын дархлаа болсон үндэсний спортоо дэлхийд данслуулж, олон улсад сурталчлан таниулах эрхийг авчээ.

ММСУХ ажлын алба

Увс аймаг байгуулагдсаны түүхт 90 жилийн ой , Баруун бүсийн хурдан азарганы уралдааны албан ёсны цуваа 1 Говь-Алтай аймгийн Баян-Уул сумын уугуул Л.Галбаатарын Хар азаргыг уралдаанч хүү Тулгабаатар унаж түрүү магнайд хурдлууллаа
"Алтан" азарга, "Мөнгөн" гүү, "Молор" унаганы эздийг шалгаруулах тухай орилго: Монгол Улсын хэмжээнд өөрийн адуун сүргийн үүлдэр угсааг сайжруулж хурданы чиглэлээр өсгөн үржүүлсэн адуучныг шалгаруулан “Алтан" азарга, "Мөнгөн" гүү, "Молор" унаганы эздийг тодруулахад оршино. Зохион байгуулагч: Монголын Морин Спорт, Уяачдын Холбоо, Соёл, Спорт, Зан заншил, танин мэдэхүйн “Сүлд” телевизийн хамтарсан комисс шалгаруулн
ММСУХ-ны тэргүүлэгчдийн 2-р хурал ММСУХ-ны Тэргүүлэгчдийн ээлжит хурал 2 дугаар сарын 10-нд болжээ.