Мэдээ мэдээлэл

“Уралдаанч хүүхэд-2014” сургалт зөвлөгөөн зохион байгуулагдлаа.

ММСУХ болон 59 дүгээр сургууль хоорондын хамтын ажиллагааны эх үндэс тавигдсан өндөр ач холбогдолтой байлаа.

Монголын морин спорт, уяачдын холбоо 2014 оны 10 дугаар сарын 25-ны өдөр Хан-Уул дүүргийн 14 дүгээр хороо буюу Өлзийтэд байрлах 10 жилийн 59 дүгээр дунд сургууль дээр “Уралдаанч хүүхэд-2014” сургалт, зөвлөлгөөнийг амжилттай зохион байгууллаа.

Хан-уул дүүргийн  59 дүгээр дунд сургуульд нийтдээ 100 гаруй уралдаанч хүүхэд суралцдаг ба сургалт зөвлөлгөөнд Монголын морин спорт, уяачдын холбооны Ерөнхий нарийн бичгийн дарга Пүрэвийн Сэргэлэн, ММСУХ-ны Тэргүүлэгч гишүүн, Монгол Улсын Тод Манлай уяач Цэвээнжавын Дуламсүрэн,  НМСУХ-ны Тэргүүн Мэндбаярын Мөнхбаясгалан болон Ажлын албаны бүрэлдэхүүн, мөн 59 дүгээр сургуулийн сургуулийн менежер Х.Байгальмаа, 70 гаруй уралдаанч хүүхдүүд хамрагдан оролцлоо.

  “Уралдаанч хүүхэд-2014” сургалт, зөвлөлгөөнөөр Монгол Улсын стандартын шаардлага хангасан хамгаалалтын хувцас хэрэглэлийг танилцуулсан баримтат кино үзүүлэн,  стандартад нийцсэн хамгаалалтын хувцас хэрэглэл хэрэглэхийн ач холбогдол, зөв зохистой хэрэглээний талаар тайлбарлан танилцуулж, уралдаанч хүүхдийн эрх, үүрэг, мөн уралдааны үеэр осол гэмтлээс урьдчилан сэргийлэх талаар зөвлөгөө, зөвлөмж өгч, хүүхдүүд чөлөөтэй ярилцан санал бодлоо илэрхийллээ.  

Энэ үеэр Монголын морин спорт, уяачдын холбооны Ерөнхий нарийн бичгийн дарга Пүрэвийн Сэргэлэн, 59 дүгээр сургуулийн сургалтын менежер н.Байгальмаа нар уралдаанч хүүхдийн суралцах, хүмүүжих нөхцлийг сайжруулах, тэдний авъяас чадварыг хөгжүүлэх чиглэлээр хамтран ажиллахаар харилцан тохиролцож санамж бичигт гарын үсэг зурсан юм. Сургалт, зөвлөлгөөний төгсгөлд 59 дүгээр сургуулийн авъяаслаг уралдаанч хүүхдүүд дуулж, бүжиглэж, шүлэг уншиж өөрсдийн авъяасыг сонирхуулан оролцогчдод бэлэг барилаа.

Монголын морин спорт, уяачдын холбоо өөрийн нийгмийн хариуцлагын хүрээнд 10 уралдаанч хүүхдийг Олон Улсын Найрамдал төвд амрах эрхийн бичгээр, тус сургуулийн 35 багшийг  ОХУ-ын Улан-Үд хот руу Итгэлт хамбын хийд руу аялуулахаар шийдвэрлэсэнийг уралдаанч хүүхдүүд 59 дүгээр сургуулийн багш, сурган хүмүүжүүлэгчид баяртайгаар хүлээн авсан юм.

“Уралдаанч хүүхэд-2014” сургалт, зөвлөлгөөнийг Ариунбилэг захиралтай “ХААН СҮҮ” ХХК, Б.Батбаяр захиралтай спортын “СҮЛД” ТВ-ийн хамт олон ивээн тэтгэж хамтран ажилласан уралдаанч хүүхдийн аюулгүй байдлыг бүрэн хангахад хамгаалалтын хувцас хэрэгслийн зөв хэрэглээг танилцуулж, ММСУХ болон 59 дүгээр сургууль хоорондын хамтын ажиллагааны эх үндэс тавигдсан өндөр ач холбогдолтой байлаа.  

2014 онд , Улс , Бүсийн уралдаанд түрүүлж , айрагдсан хурдан морьдын амжилтыг эмхэтгэсэн ном хэвлэгдэн гарлаа Молор эрдэнээ дээдлэн шүтэж хүлэг мориорооо их түүх, сайн үйлсийг бүтээсээр ирсэн Монголчууд Хөхөгчин хонь жилдээ амжилт бүтээлээр дүүрэн байх болтугай.
Монгол улс-Азийн морин уралдааны холбооны гишүүн орон болж албан ёсны батламжаа гардан авлаа АМУХ-ны 33-р зөвлөлгөөнд дэлхийн 36 орны 1200 орчим морин спортын төлөөлөгчид оролцсоны дотор Олон улсын морин уралдааны холбооны ерөнхийлөгч Люьс Романет, Олон улсын олимпын хорооны төлөөлөгчид, морин спорт өндөр хөгжсөн Америк, Англи, Ирланд, Франц, Өмнөд Африк, Швед, Швейцари, Иран, Турк, ОХУ, Хятад гэх мэт орнуудын морин спортын холбоодын төлөөлөгчид морины зүтгэлтнүүд оролцлоо.