Мэдээ мэдээлэл

“ДЭЛХИЙН АВАРГА”-ЫН БАЯРТ ММСУХ-НЫ УДИРДЛАГУУД ХҮНДЭТГЭЛ ҮЗҮҮЛЛЭЭ

Морьтон монголчуудын эв санаа, хүсэл зорилгын нэгдэл болсон ММСУХ-ны 20 жилийн ойтой давхцан нэгэн түүхэн үйл явдал болсон нь монгол уяачийн шинжин таньж, уяж сойсон хүлэг дэлхийн хэмжээний уралдаанд түрүүлсэн явдал байлаа. Энэхүү гайхамшигт үйл явдал нь 2015 оны 10 сарын 31-нд АНУ-ын Кентукки мужийн Лексингтон хотноо болсон юм.

32 дахь жилдээ зохион байгуулагдсан Breeders cup уралдаанд Монгол Улсын Тод Манлай Уяач Д.Ганбаатарын Mongolian Saturdaу  дуудлагат  хээр морь оролцож, хамгийн богино зайд буюу зүлэгний спринт төрөлд  түрүүлэн монгол уяачийн ур чадварыг дэлхий дахинаа гайхуулсан билээ. 

Дэлхийн аварга гэгддэг чансаа өндөр уралдаанд түрүүлсэн хурдан хүлгийнхээ түрүү магнай болсон баярыг түмэн олонтойгоо хуваалцах цайллага, ёслолын арга хэмжээ болж ММСУХ-ноос очиж хүндэтгэл үзүүллээ. 

Хүндэтгэлийн цайллагад Монголын  Морин Спорт Уяачдын Холбооны Дэд ерөнхийлөгч МУТМУ Ч.Ганзориг, Ерөнхий нарийн бичгийн дарга П. Сэргэлэн ,  Монгол Улсын Тод Манлай Уяач Ц.Дуламсүрэн, Б.Содномцог, Д.Мөнхбат, Г.Алтангэрэл, Д.Бат-Эрдэнэ, Б.Бат-Өлзий, Б.Билэгдэмбэрэл, Монгол Улсын Манлай Уяач О.Батбилэг, Монгол Улсын Алдарт Уяач С.Шинэбаатар , Т.Галбадрах МУСГЗ доктор А.Баярмагнай, сэтгүүлч Л.Цагаандалай, нарын уяачид, морины зүтгэлтнүүд хүрэлцэн очиж, дэлхийн хэмжээнд амжилттай наадсан ах дүү хоёр уяачид баяр хүргэж ММСУХ-ны “Алтан дөрөөт” шагналыг гардуулсан юм.

Хүндэтгэлийн зоогийн үеэр Тод манлай ах дүүс “Mongolian Saturdaу дэлхийн хэмжээний уралдаанд түрүүлсэн нь мөрөөдлийг нь биелүүлсний зэрэгцээ цаашид монголчууд морин уралдааны зах зээлд байр сууриа эзлэх боломжийг олгосон түүхэн үйл явдал” хэмээн тэмдэглэж байсан юм. 

Төвийн бүсийн хурдан морины уралдаан болж өндөрлөлөө Монголын морин спорт уяачдын холбооноос зохион байгуулж буй Г.Пунцагбалжир агсны нэрэмжит Төвийн бүсийн хурдан морины уралдаан  Хүй долоон худагт өнөөдөр болж өндөрлөлөө. Энэ удаагийн төвийн бүсийн уралдаан Засгийн газрын тогтоолын дагуу зохион байгуулагдаж байгаа бөгөөд их насны морьд 18, соёолон, эрлийз дунд насны хурдан хүлгүүд 14 км-ийн зайнд уралдсан юм.
ММСУХ-ны уяачдын анхдугаар зөвлөлгөөн ММСУХ-ны уяачдын анхдугаар зөвлөлгөөн “Чингис” зочид буудлын хурлын танхимд болов.
ММСУХ-ны 20 жилийн ойн баяр наадмын хурдан их насны албан ёсны цуваа Монгол Улсын Засгийн газрын тогтоолтой Монголын Спорт, Уяачдын Холбооны түүхт 20 жил, Дэлхийн дээд амжилт Гиннест бүртгүүлсний 2 жил, Уяачдын баяр наадмын хурдан их насны уралдаанд газар газрын шандаст хурдан 203 их нас уралдсан юм. Энэ жилийн Үндэсний их баяр наадам, Монгол Улсын Засгийн газрын тогтоолтой бүсийн хурдан морины уралдаанд түрүүлж, айрагдсан хурдан их насны морьд ирсэн байлаа.