Мэдээ мэдээлэл

Хурдан морь унаач хүүхдүүд стандартын хамгаалалтын малгай хэрэглэлтэй уралдна

Дэнж хотойтол наадах монгол наадамдаа монгол түмэн даяараа эсэн мэнд сайхан наадахын төлөө юун түрүүн хурдан морь унаач хүүхдүүдийн аюулгүй байдлыг хангаж наадах нь зүй ёсны хэрэг билээ. Хурдан морь унаач хүүхдүүдийн аюулгүй байдлыг хангаж ажиллахын тулд Стандарчлалын үндэсний зөвлөлөөс 2011 оны 6-р сарын 23-ны 28 тоот тушаалаар баталсан стандартын хамгаалалтын хувцас хэрэглэлээр хангах явдал юм.

2012/09/20

Стандартын  хамгаалалтын малгай/каск/, өвдгөвч тохойны хамгаалалтыг шууд үйлдвэрээс нь "МОНГАЛ" ХХК нь  Монголын  Морин Спорт,  Уяачдын Холбооны захиалгаар нийлүүлэн борлуулж эхлэлээ. Хамгаалалтын иж бүрдэлийн нийт үнэ 40.000 төгрөг.  Энэхүү стандартыг 2012 оны 02 дугаар сарын 01-ний өдрөөс эхлэндаган мөрдөх ёстойг Монголын бүх уяач, хурдан морь сонирхогч, хурдан морины зүтгэлтэн та бүхэндээ сонордуулж байна. 2012 оны 2-р сарын 1-нээс хойш болох  хурдан морины уралдаанд хамгаалатын хувцас хэрэглэлгүй хурдан морь унаач хүүхдийг уралдуулахгүйг анхааруулж байна.  Аймаг сумдын МСУХ-ны тэргүүн, хүүхдийн эрх ашгийг хамгаалах хүүхдийн төлөө байгууллагын ажилтан ажилчид хамгаас түрүүн анхаарч ажиллахыг Монголын Морин Спорт, Уяачдын Холбоо уриалж  байна. Мөн эрхэм уяач таны хурдан хүлгийг унаж түрүүлгэж, айрагдуулдаг унаач хүүхдийнхээ аюулгүй байдал, эрүүл мэндийг сахин хамгаалахын төлөө юу юунаас илүү санаачилга гаргаж стандартын хамгаалалтын хувцас хэрэгэлэлийг худалдан авч, аюулгүй байдлыг нь бүрэн хангахыг уриалж байна.  Стандартын хамгаалалтын хувцас хэрэглэлгүй хурдан морь унаач хүүхдийг уралдаанд оролцуулахгүй байхыг монголын бүх уяач та бүхэнд хатуу сануулж байна.    

"МОНГАЛ" ХХК-ний утас: 88766092, 8807-3024

 

Санал болгох
Ай.Төмөр-Очир “Одон” хээртэйгээ айсуй Хурдны голомт Сүхбаатар аймгаас яруу найрагч, сэтгүүлч Ай. Төмөр-Очир “Дүнжингаравын хурд-2010”-ыг зорьж, нийслэл хот руу ирж буй сурагтай.
Ө.Пүрэвбаатар: СЭРВЭЭНИЙ ӨНДӨР ХЭМЖИХ ҮЙЛ ЯВЦЫГ ОРОН ДАЯАР ШУУД НЭВТРҮҮЛНЭ 2019 оны анхны бүсийн уралдааныг ММСУХ-ны Ерөнхийлөгч агсан Г.Пунцагбалжирын нэрэмжит байхаар тэргүүлэгчдийн хурлаас шийдвэрлэсэн. Энэ тавдугаар сарын 12-нд Хүйн долоон худагт болох уг төвийн бүсийн уралдаан шинэ журмын дагуу зохион байгуулагдаж буйгаараа онцлог. Нийгэмд хүлээлт үүсгэсэн энэхүү уралдааныг зохион байгуулах үүргийг ММСУХ-ны Дэд Ерөнхийлөгч, Тод манлай уяач Ө.Пүрэвбаатар хүлээжээ. Түүнээс цөөн асуултанд хариулт авлаа.
Өндөр гэгээн Занабазарын мэндэлсний 380 жилийн ойд зориулсан Баторшил өргөх даншиг, Төвийн бүсийн хурд-2015 Монголын морин спорт, уяачдын холбооны Тэргүүлэгчдийн хурлын 2015 оны 01 дүгээр сарын 15-ны өдрийн 15/02 дугаар тогтоолоор түүхт 20 жилийн ой, болон 5 бүсийн уралдаанаа товлон, Засгийн газарт 2015 оны 01 дүгээр сарын 20-ны өдрийн 15/04 тоот албан бичгээр хүсэлт тавьж, Засгийн газрын 2015 оны 02 дугаар сарын 2-ны өдрийн 33 дугаар тогтоолоор Хангайн бүсийн зуны хурдан морины уралдааныг 07 дугаар сарын 25-26-ны өдрүүдэд Өвөрхангай аймагт зохион байгуулах шийдвэр гарсан билээ.