Мэдээ мэдээлэл

Хурдан морины хүүхэд Анх удаа Спортын мастер цолны болзолыг ханган биелүүлэв

Хурдан морины хүүхэд Анх удаа Спортын мастер цолны болзолыг ханган биелүүлэв

Өвөрхангай аймгийн Тарагт сумын уугуул Батбаярын Мягмарсүрэн 2008,2009,2010 онд Монгол улсын шилдэг хурдан морины унаач хүүхдээр шалгарч Монгол улсын  спортын мастер цолыг хүртлээ.Батбаярын Мягмарсүрэн Монгол улсын Тод манлай уяач Цогтын Батсайхан, Тод манлай уяач Дашдоржийн Мөнхбат нарын “Босоо хүлэг” гал уяанд хурдан морь унаж  Монголын шигшмэл хурдан морьдын “Их хурд” уралдаан, Улс, бүсийн уралдаанаас олон түрүү айраг авч уралдсан хамгийн авьяастай, хамгийн эр зоригтой хүү билээ. 
Бөтмөнхийн Билэггүн /“Од” гал уяа/, Гүрсэдийн Тэмүүжин /“Унаган хурд”/ гал уяа, Батгэрэлийн Гантулга /Богдхан гал уяа/  нар  спортын дэд мастер цолны болзолыг биелүүлж энэ үдшийн цэнгүүнийг улам бүр сүр дуулиантай болгов. спортын дэд мастер цолны болзолыг биелүүлсэн хурдан морь унаач хүүхдүүд маань 2010, 2011 оны Монголын шилдэг унаач хүүхдээр шалгарч спортын дэд мастер цолтон болж байгаа билээ. Наадмын өглөө  60 мянган аав, 60 мянган ээжүүд, 60 мянган ах, 60 мянган эгч  хүлэг морины нуруун дээр дарцаглаж хийморь нь гал дөл мэт дүрэлзэн байдаг Монголын хамгийн идэр жавхаалаг, эр зоригтой бяцхан үрсээн, бяцхан дүүгээн  харан баясаж, бахархан дээдэлдэг билээ. ММСУХолбоо 60 мянган айлыг  эгнээндээ нэгтгэсэн төрийн бус байгууллага билээ. Монголын бяцхан үрсүүдээс хамгийн түрүүнд орлоготой болж төрүүлж өсгөсөн ачит эхдээ хамгийн түрүүн тус дэм  болдог хүүхэд бол монголын ард түмний цог хийморь нь болсон хурдан морь унадаг хүүхдүүд билээ.


 

ИХ ХУРД УРАЛДААН МОНГОЛЫН УЯАЧДЫН БАХАРХАЛ ЮМ А. БАЯРМАГНАЙ Монголын морин спорт, уяачдын холбоог үндэслэн байгуулагчдын нэг, Монголын шигшмэл хурдан морьдын “Их хурд” болон бүсийн уралдааныг санаачлагч, ММСУХ-ны Ерөнхий нарийн бичгийн даргаар 14 жил ажилласан, түүхийн ухааны доктор /Ph/,
Зүүн, Төв, Хангай, Баруун бүсийн хурдан морины уралдаан 7-р сарын 29,30-ны өдрүүдэд болно. Монгол улсын Засгийн газрын тогтоолоор Зүүн бүсийн хурдан морины уралдаан Дорноговь аймагт, “Говь-Шанх-IV” Төвийн бүсийн уралдаан Өмнөговь аймагт, “Тамирын хурд” Хангайн бүсийн уралдаан Архангай аймагт, Баруун бүсийн хурдан морины уралдаан Увс аймагт 2011 оны 7-р сарын 29,30-ны өдрүүдэд болно.
ТӨРИЙН ТҮМЭН ЭХҮҮДЭД ХҮНДЭТГЭЛ ҮЗҮҮЛЛЭЭ Монголын шигшмэл хурдан морьдын “Их хурд” уралдаан нь Монгол орны бүх аймаг, бүс нутгаас шалгарсан хурдан морьд, уяачид оролцдог, үндэсний хэмжээний, хамгийн дээд зэрэглэлийн уралдаан юм. Ийм уралдаан Монголын түүхэнд урьд өмнө болж байгаагүй бөгөөд 1998 оноос эхлэн 3 жил тутамд нэг удаа Засгийн Газрын шийдвэрээр зохион байгуулдаг болсоор долоо дахь жилтэйгээ золгож байна