Мэдээ мэдээлэл

Их насны морьдын уралдаанд 354 хурдан хүлэг тоосоо өргөлөө.

Энэ уралдааны их насны морьдын уралдаанд 354хурдан хүлэг тоосоо өргөлөө.

Хамгийн олон морьд уралдсан энэ насанд Төв аймгийн Баянцогт сумын харьяат, Монгол Улсын Манлай уяач “Бандгай” хэмээх С.Ганхуягийн бор магнайдаа тоосгүй ирлээ.Энэ уяач ММСУХ-ноос зарласан чансаагаар 2009 онд  31 оноо  авч Монгол Улсын бүх уяачдыг тэргүүлсэн юм, Аман хүзүүнд Сэлэнгэ аймгийн Мандал сумын Ш.Мөнхбатын хээр, айргийн гуравт Баянхонгор аймгийн Богд сумын уугуул Ц.Дэлгэрдалайн халтар халзан хурдаллаа. Энэ хүлэг ММСУХ-ноос шалгаруулж зарласан Монгол Улсын 2009 оны өндөр чансаатай есөн их насны морины гуравдугаарт шалгарсан хурдан буян юм. Айргийн дөрөвт Төв аймгийн Батсүмбэр сумын уугуул, Монгол Улсын Манлай уяач Ц.Батсайханы бор, айргийн тавд Орхон аймгийн Баян-Өндөр сумын Р.Мягмардоржийн бор тус тус хурдаллаа. Бүсийн уралдаан нь нүсэр их ажил ундарч, хөрөнгө мөнгө хүн хүч шаарддаг ч энэ уралдаан  зохион байгуулалт сайтай боллоо. Энэ уралдааны түрүүг таван сая, аман хүзүүг гурван сая, айргийн гуравт хурдалсан морийг хоёр сая, дөрөв, тавд хурдалсан морьдыг тус тус сая төгрөгөөр байлсан юм.  

ММСУХ-ны 20 жилийн ойн баяр наадмын эрлийз дээд насны албан ёсны цуваа Монгол Улсын Засгийн газрын тогтоолтой Монголын Спорт, Уяачдын Холбооны түүхт 20 жил, Дэлхийн дээд амжилт Гиннест бүртгүүлсний 2 жил, Уяачдын баяр наадмын хурдан эрлийз дээд насны уралдаанд газар газрын шандаст хурдан 27 эрлийз дээд нас уралдсан юм. Энэ жилийн Үндэсний их баяр наадам, Монгол Улсын Засгийн газрын тогтоолтой бүсийн хурдан морины уралдаанд түрүүлж, айрагдсан хурдан Эрлийз дээд насны морьд ирсэн байлаа.
Үндэсний их баяр наадам хязаалан насны морьдын уралдаан Хүннү гүрэн байгуулагдсаны 2200 жил, Их Монгол Улс байгуулагдсаны 805 жил, Тусгаар тогтнолын 100 жил, Ардын хувьсгалын 90 жилийн ойн Үндэсний их баяр наадам Хүй долоон худагт хурдан хязаалан насны морьдын уралдаанаар эхэллээ.
Төвийн бүсийн уралдааны нээлт боллоо Монголын морин спорт, уяачдын холбооноос төвийн бүсийн хурдан морины уралдааныг өнөөдөр Хүйн долоон худагт тус холбооны үүсгэн байгуулагч, санаачлагдын нэг Г.Пунцагбалжир агсны нэрэмжит болгон зохион байгуулж байгаа билээ.