Мэдээ мэдээлэл

Хөдөө орон нутгаас 22 уяачийг урьж оролцуулж холбооны хүндэт шагналаар шагнав

ММСУХ –ны 15 жилийн нэрэмжит Монголын Уяачдын шинэ жилийн цэнгүүнд хөдөө орон нутгийн ахмад болон залуу 22 уяачдыг урьж оролцуулав.

ММСУХ –ны 15 жилийн нэрэмжит Монголын Уяачдын шинэ жилийн цэнгүүнд хөдөө орон нутгийн ахмад болон залуу 22 уяачдыг  урьж оролцуулав. Анхны их хурдын азарганы аман хүзүү Буурал духтын эзэн уяач Жамьяндорж, Улсын алдарт уяач Дуламын Хорлоодой,  Монгол улсын алдарт уяач олноо “орос” хэмээх аймгийн арслан Болд уяач, Хурданы өлгий Сүхбаатар нутгаас гэхэд Монгол улсын алдарт уяач Жамбалын Шунуу, олноо “Бураа” хэмээх Шаравын Пүрэвжав, Оюунбаатарын “Арал” хул морь гэж энэ цагт Их хурд, улс, бүсийн уралдаанд тогтмол айрагдаж байгаа хул морины унаган эзэн Халзан сумын  Рагчаагийн Ооёо уяач, Цэцэн ханы өлгий нутаг Хэнтий аймгаас Улсын алдарт уяач Гончигийн Содном, Жамсрангийн Босоожамсран, Монгол улсын Манлай уяач Алдарт хээр азарганы эзэн Сүрэнхор уяачийн хүү Оосордагва, Хоёр даншиг наадамд хурдан саарал морио түрүүлгэсэн Дундговь аймгийн Эрдэнэдалай сумын Монгол улсын алдарт уяач Гомбо-Очир, Баруун бүст болсон дөрвөн даншиг наадамд хурдан буурал морио жил дараалан айрагдуулсан Өвөрхангай  аймгийн алдарт уяач Н.Отгоннасан гээд хөдөө орон нутагтаа хурдан адууг өсгөж үржүүлэх, орон нутагтаа хурдан морио уяж хурдлуулж байгаа уяачид  хүрэлцэн ирцгээсэн билээ. Эдгээр  22 уяачдадаа ММСУХ-ны холбооны хүндэт өргөмжлөл, дурсгалын зүйлээр шагнаж урамшуулав.

Үндэсний их баяр наадам Азарганы уралдаан Ардын хувьсгалын түүхт 90 жилийн ойн адуун сүргийн манлай хурдан азарга барианд орлоо. Азарганы уралдаанд эх орны өнцөг булан бүрээс цугларсан 370 гаруй шандаст хүлгүүд тоосоо өргөснөөс:
Баруун бүсийн уралдаанд түрүүлж айрагдсан морьдын албан ёсны цуваа Монголын шашин төрийн нэрт зүтгэлтэн Ойрадын Галдан Бошигт хааны мэндэлсэний 370 жилийн ой "Баруун бүсийн их хурд" даншиг наадам Ховд аймагт болж өндөрлөлөө.
Мөнххааны ”бураа” Пүрэвжав Сэцэн хан аймгийн Эрдэнэ далай вангийн хошуу, одоогийн Сүхбаатар аймгийн Мөнххаан сум бол Монголын хурдан морины цөм угшил нутаг юм.