Мэдээ мэдээлэл

“Дэлхийн морьтон” сэтгүүл-уяач, морьтон түмний индэр

Уяач, хурдан морь сонирхогч, морины зүтгэлтэн, хэн бүхэнд нэн хэрэгтэй, баялаг мэдээ мэдээлэлтэй нэгэн сэтгүүл саяхан “мэндэллээ”. ММСУХ-ны Хэвлэл мэдээллийн албанаас эрхлэн гаргаж буй энэхүү “Дэлхийн морьтон” сэтгүүл нь 30 шахам булантай бөгөөд 120 гаруй нүүрнээс бүрдсэн юм.

Эрхэм уншигч Та эндээс Монгол Улсын 2009 оны өндөр чансаатай есөн уяач, 9 унаач хүүхэд, 9 азарга, 9 их насны морьдтой танилцана. Мөн өнгөрсөн жилийн улсын наадам болон бүсийн уралдааны цуваа, 2010 онд болох “Их хурд” болон бүсийн уралдааны товыг мэдэж болох нь.

 

“Дэлхийн морьтон” сэтгүүлийн “Хойморь” булангаас “Зууны манлай уяач” Д.Даваахүүгийн сэтгэлийн үг, монгол хүний нүнжиг буянг мэдэрч,  “Хийморь” булангаас залуу уяач Ц.Дэлгэрдалайн сайн морь эзэн хоёр бие биенээ хэрхэн эрж олдог тухай, өнгөрсөн жилийн олон наадамд өнгөлсөн халтар халзан мориных нь тухай сонирхолтой түүхийг уншаарай.  Сэтгүүл нь “Шилдэг гал”, “Хурдан морины хүүхэд”, “Монгол нүнжиг”, “Тэнгэр газар”, “Яруу найраг”, “Нэг дэлхий”, “Гадаад харилцаа”, “Уяачийн эрдэм”, “Морины наймаа”, “Сонирхолтой товчоон”, “Цуглуулагч”, “Морьтой уран бүтээл”, “Судалгаа” зэрэг тогтмол булангуудтай. Манай сэтгүүлээр “Тод манлай уяач” Д.Ононгийн хөтлөх цуврал хичээл энэ удаа “Хурдан морийг тавих, зөв шургуулж, уяж сойход юуг онцлон анхаарах” талаар зөвлөлөө.

Монгол Улсын 2009 оны чансаа өндөр азарга, их насны морьдын удам угшил, тамга, амжилт, онцлог, тухайн эзэндээ хэрхэн ирсэн үүх түүхийг та сэтгүүлээс дэлгэрүүлэн уншаарай.

 Монголын уяачид, морьтон түмэн өөрийн дуу хоолой, үзэл бодол, эрдэм чадал, өв соёлоо түгээн дэлгэрүүлэх “индэртэй”, өөрийн сэтгүүлтэй боллоо. Энэ сэтгүүл улирал тутам таны гар дээр очно.

2010 оны Монгол улсын үндэсний Их баяр наадам (Их нас) 2009 оны Монгол улсын үндэсний Их баяр наадам /Их насны уралдааны фото/
“Дүнжингарав” уралдааныг зохион байгуулах комиссын даргаар ММСУХ-ны тэргүүлэгч гишүүн Ч.Ганзориг Энэ жилийн “Дүнжингарав” уралдааныг зохион байгуулах комиссын даргаар ММСУХ-ны тэргүүлэгч гишүүн “Эрдэнэт” уулын баяжуулах үйлдвэрийн ерөнхий захирал Ч.Ганзориг ажилласан бөгөөд ММСУХ-ны салбар Орхон аймгийн уяачдын “Эрдэнэт хүлэг” холбоо хамтран ажиллажээ.
ММСУХ-ны 20 жилийн ойн баяр наадмын эрлийз дунд насны албан ёсны цуваа Монгол Улсын Засгийн газрын тогтоолтой Монголын Спорт, Уяачдын Холбооны түүхт 20 жил, Дэлхийн дээд амжилт Гиннест бүртгүүлсний 2 жил, Уяачдын баяр наадмын хурдан эрлийз дунд насны уралдаанд газар газрын шандаст хурдан 56 эрлийз дунд нас уралдсан юм. Энэ жилийн Үндэсний их баяр наадам, Монгол Улсын Засгийн газрын тогтоолтой бүсийн хурдан морины уралдаанд түрүүлж, айрагдсан хурдан эрлийз дунд насны морьд ирсэн байлаа.