Мэдээ мэдээлэл

ЕРӨНХИЙЛӨГЧИЙН ДЭРГЭДЭХ “ТОД МАНЛАЙ ЦОЛТНУУДЫН ЗӨВЛӨЛ” БАЙГУУЛАГДЛАА.

ММСУХ

Монголын морин спорт, уяачдын холбооны Тэргүүлэгчдийн 2021 оны 03 дугаар сарын 19-ний өдрийн ээлжит хуралдаанаар ММСУХ-ны Ерөнхийлөгчийн дэргэдэх “ТОД МАНЛАЙ ЦОЛТНУУДЫН ЗӨВЛӨЛ”-ийг албан ёсоор байгуулж, бүрэлдэхүүн, зөвлөлийн ажиллах журмыг баталлаа. Энэхүү зөвлөл нь Монгол Улсын хууль тогтоомж болон Монголын морин спорт, уяачдын холбооны дүрэм, Монголын хурдан морины уралдааны дүрэм, үндэсний уламжлалт хурдан морины уралдаантай холбогдох соёлын өв, уламжлал, зан заншлын хэм хэмжээг олон нийтэд үлгэрлэн таниулах, түгээн дэлгэрүүлэх, ёс зүйт төлөвшлийг уриалах зорилготой холбооны удирдлагын бүрэлдэхүүнд бодлогын зөвлөмж өгөх чиг үүрэгтэй ажиллах юм байна. Мөн тод манлай цолтнуудын зөвлөлийн гишүүд нь Тэргүүлэгчдийн хурлын үйл ажиллагаанд оролцох, холбооны тэмдэг, туг далбааг шууд ашиглан хурдан морины уралдаан зохион байгуулах, холбоог төлөөлөн Олон улсын болон бусад хүмүүнлэгийн арга хэмжээнд оролцох эрхтэй байхаар журмалсан бөгөөд зөвлөлийн анхдугаар хурлыг 2021 оны 04 дүгээр сарын 02-ны өдөр ММСУХ-ны төв байранд зохион байгуулахаар шийдвэрлэлээ.

                                                                              МОНГОЛЫН МОРИН СПОРТ, УЯАЧДЫН ХОЛБОО

Уяач Адууны дэргэд, адууны салхинд төрж өсч, морин дэл дээр салхи цуулан давхиж монгол хүн жинхэнэ монгол хүн болон бойждог бөлгөө.
2013 онд Их хурд , Улс , Бүс ,Гиннесийн уралдаанд түрүүлж , айрагдсан хурдан морьдын амжилтыг эмхэтгэсэн ном хэвлэгдэн гарлаа Монгол түмэн Монгол наадмын хөх тэнгэр доор морь, хүүхэд эсэн мэнд ирэхийг билэгдэн хурсан олноороо эвлэлдэн нэгдэж, эв эеийг дээдэлдэг билээ.
Монголын Морин Спорт, Уяачдын Холбооны 2011 оны шилдгүүд ММСУХ жил бүр оны шилдгүүдээ шалгаруулж, сар шинийн босгон дээр олон нийтэд зарладаг уламжлалтай. Үндэсний морин уралдааныг хөгжүүлэх үйлсэд амжилт гарган бусдыгаа ажил үйлсээрээ манлайлсан шилдэг уяач, шилдэг гал уяа, шилдэг залуу уяач, шилдэг салбар холбоо шилдэг хурдан морь унаач хүүхдүүдийн амжилтыг үнэлэн дүгнэж, ММСУХ-ны тэргүүлэгчдийн хурлаар хэлэлцэн шийдвэрлэдэг билээ.