Мэдээ мэдээлэл

МЭДЭЭЛЭЛ

ММСУХ-НЫ РЕЙТИНГИЙН ЗӨВЛӨЛ

2021/01/26

МОНГОЛЫН МОРИН СПОРТ, УЯАЧДЫН ХОЛБООНЫ

МЭДЭЭЛЭЛ

Монголын морин спорт, уяачдын холбооны Тэргүүлэгчдийн хурлын 2019 оны 11 дүгээр сарын 19-ны өдрийн 1/25 дугаар тогтоолоор Рейтингийн зөвлөлийг шинэчлэн байгуулсан.  Шинээр байгуулагдсан Рейтингийн зөвлөл 2019, 2020 оны чансааг гаргахдаа тухайн жилд болсон Улс, бүсийн болон шигшмэл морьдын уралдаанд түрүүлж, айрагдсан амжилтаар нь уяачид, уралдаанч хүүхэд, азарга, морьдыг “ММСУХ-ны Рейтингийн зөвлөлийн чансаа тогтоох журам”-ын дагуу оноо өгч эрэмбэлсэн. Коронавирусын цар тахлаас болж 2020 онд товлогдсон бүсийн уралдаанууд цуцлагдсан тул зөвхөн Улсын баяр наадамд гаргасан амжилтаар шийдвэрлэсэн болно.

 Уг чансааг тогтоохдоо Үндэсний их баяр наадмыг зохион байгуулах хорооны Хурдан морины салбар хорооны морь бүртгэлийн нэгдсэн цуваанд үндэслэж шийдвэрлэдэг болно. Иймд Монголын морин спорт, уяачдын холбооны Рейтингийн зөвлөлийн гаргасан чансааг үндэслэлгүй, буруу гаргасан гэж үзвэл холбооны Хяналтын зөвлөл, Сахилгын зөвлөлд гомдол гаргаж маргаанаа шийдвэрлүүлэх боломжтойг албан ёсоор мэдэгдэж байна.

 

Жич: Рейтингийн зөвлөл нь албан ёсны бүртгэл, цувааг үндэслэн чансааг тогтоож байгаа тул цаашид уяачид морь бүртгэлээ зөв хийлгэж байхыг анхаарна уу.

 

ММСУХ-НЫ РЕЙТИНГИЙН ЗӨВЛӨЛ

Санал болгох
УЯАЧДЫН ШИНЭ ЖИЛ 2010-2011 ММСУХ-ны 15 жилийн ойн нэрэмжит Монголын уяачдын шинэ жилийн цэнгүүн 12 сарын 16 нд “ПАЛАС” зочид буудалд болно.
Монголын уяачид олон улсын морины “Hippologica-2009” үзэсгэлэнд амжилттай оролцоод ирлээ. Монголын уяачдын төлөөлөл ХБНГУ-ийн нийслэл Берлин хотноо 2009*12*10-13 ны өдрүүдэд болсон олон улсын морины “Hippologica-2009” үзэсгэлэнд амжилттай оролцоод ирлээ.
Өмнөдэлгэрийн уяачдын “десант” нийслэлд буулаа “Дүнжингарав-2010” хаврын бүсийн уралдааныг үзэж сонирхох, том наадмын зохион байгуулалтыг үзэх, нийслэлийн ойр орчимд морьдоо сойж байгаа уяачдаас туршлага судлах зорилгоор Хэнтий аймгийн Өмнөдэлгэр сумаас 10 гаруй уяач өчигдөр нийслэлд ирлээ.