Мэдээ мэдээлэл

Хурдан морь уралдаанч хүүхдүүд байраа гардан авлаа

МУТМУ, “Модун хаан групп” ХХК-ийн Ерөнхийлөгч Дамбын Хишигжаргал, МУТМУ, Монголын морин спорт, уяачдын холбооны Ерөнхийлөгч Цогтын Батсайхан , Ерөнхий нарийн бичгийн дарга Чимэддоржийн Хишигбаатар нар 1 өрөө орон сууцнуудыг хурдан морины уралдаанч хүүхэд болон түүний  ар гэрийнхэнд гардуулан өглөө.

Монголын морин спорт, уяачдын холбооны санал, санаачлагаар Шигшмэл хурдан морьдыг шалгаруулах  Их хурд уралдааныг  3 жил тутам 8 дахь удаагаа зохион байгуулж байгаа бөгөөд Монгол Улсын Засгийн газрын 2019 оны 134 дүгээр тогтоолоор энэхүү уралдаан наадмыг 2019 оны 07 дугаар сарын 20, 21-ний өдрүүдэд Улаанбаатар хот, Хүй долоон худагт зохион байгуулагдсан.

 

              Монголын морин спорт, уяачдын холбоо хурдан морины аливаа наадмыг морин уралдаан төвтэй хандлагаар зохион байгуулж ирснийг өөрчилж, морьтны соёлыг бүхэлд нь илэрхийлэх, үндэстний их өв соёл болохыг түгээн дэлгэрүүлж, уламжлуулан хөгжүүлэх зорилгын хүрээнд тус уралдааныг “Их хурд-VIII”-Монгол туургатны морьтны өв соёлын наадам” нэртэйгээр, уран зургийн үзэсгэлэн, морьтны соёлын дууны улсын уралдаан, адуун өв соёлыг сурталчлах үзэсгэлэн яармаг, худалдаа, айраг фестиваль, 21 аймгийн шилдэг адуучин тэмцээн, хос морьтон, дээлтэй монгол, хуйрнан шуугигч хүүхдийн барилдаан, гийнгоо марзайн улсын уралдаан, адууны бурханы зан үйл, цам харайлт, жороо морины уралдаан, шинэ цагийн монгол морины уралдаан, Шигшмэл хурдан азарга, их насны морьдын уралдааныг тус тус зохион байгууллаа.

 

        Шигшмэл хурдан морьдыг шалгаруулах  Их хурдVIII” уралдааны хурдан азарганы уралдаанд Төв аймгийн Баян сумын харьяат Б.Нямжавын хурдан хээр азаргыг унаж түрүүлгэсэн Төв аймгийн Зуунмод сумын  4 дүгээр сургуулийн  3б ангийн сурагч  Буян-Оршихын Энхбаяр хүүд СХД-ийн 20 дугаар хороонд байрлах 69А байранд  1 өрөө байр, их насны морьдын уралдаанд Завхан аймгийн Тосонцэнгэл сумын харьяат МУТМУ Т.Галбадрахын бор морийг унаж түрүүлгэсэн ХУД-ийн Өлзийт хорооллын 59 дугаар сургуулийн 4А ангийн сурагч Пүрэвсүрэнгийн Пүрэвбат хүүд СХД-ийн 20 дугаар хороонд байрлах 69А байранд 1 өрөө байр, Шилмэл морьдын уралдаанд Хөвсгөл аймгийн Шинэ-Идэр сумын харьяат Ц.Чимэдбавуугын Хүрэн халзан азаргыг унаж түрүүлгэсэн Хөвсгөл аймгийнТөмөрбулаг сумын уугуул Мөрөн сумын 4а ангийн сурагч Пүрэвбатын Эрдэнэбат хүүд ХУД-ийн 5 дугаар хороонд байрлах Шинэ сууц байрны 34 тоот 1 өрөө орон сууцыг Монгол Улсын Тод манлай уяач, “Модун хаан групп” ХХК-ийн Ерөнхийлөгч Дамбын Хишигжаргал ивээн тэтгэж, өнөөдөр Монголын морин спорт, уяачдын холбооны удирдлагын багын хамт 1 өрөө орон сууцнуудыг хурдан морины уралдаанч хүүхэд болон түүний ар гэрийнхэнд гардуулан өглөө.

Нийслэлийн Баянзүрх дүүрэгт “Монгол Уяач-3000” зөвлөлгөөнийг зохион байгууллаа Монголын Морин Спорт Уяачдын Холбоо бодлого, үйл ажиллагаагаа гишүүддээ танилцуулж, салбар холбооны үйл ажиллагаатай танилцан цаашдын бодлого, үйл ажиллагаандаа гишүүд, уяачдын санал, бодлыг сонсох зорилготой “МОНГОЛ УЯАЧ-3000” сумдын зөвлөлгөөнийг 2015 оны 04 дүгээр сарын 20-ны өдөр Төв аймгийн Баянжаргалан сумаас эхлүүлсэн билээ.
2014 онд , Улс , Бүсийн уралдаанд түрүүлж , айрагдсан хурдан морьдын амжилтыг эмхэтгэсэн ном хэвлэгдэн гарлаа Молор эрдэнээ дээдлэн шүтэж хүлэг мориорооо их түүх, сайн үйлсийг бүтээсээр ирсэн Монголчууд Хөхөгчин хонь жилдээ амжилт бүтээлээр дүүрэн байх болтугай.
Үндэсний их баяр наадам их насны морьдын уралдаан АХ-ын 90 жилийн ойн үндэсний их баяр наадмын хурдан их насны морьд барианд орлоо. Их насанд газар газрын 581 алтан туурт тоосоо өргөснөөс: