Мэдээ мэдээлэл

"Айраг фестиваль" Монголын уламжлалт наадгайгаар наадамчин олныг баясгаж байна

Архангай, Булган, Төв зэрэг аймгийн хамгийн сайхан амттай, уруул чимчигнүүлсэн 9 айлын айраг ирснээс Булган аймгийн Могод сумын малчин Б.Батсайханы айраг хамгийн Сайхан айргаар шалгарлаа. 

Монгол туургатны морьтны өв, соёлын наадам “Их хурд-8” уралдаан хоёр дахь өдрөө үргэлжилж байна.  

Энэ удаагийн наадам нь морьтны соёлын бүхий л үнэт зүйл болох Адуучин тэмцээн, айрагны баяр, Гийнгоо марзайн улсын уралдаан, сайхан хос морьтны тэмцээн, жороо морины уралдаан, хуйрнан шуугигч хүүхдийн барилдаан, нутаг тутгийн сайхан айраг шалгаруулах “Айраг фестиваль”, шашны зан үйл зэрэг олон төрлөөр өргөн дэлгэр наадам болж байгаа юм.

Их насны морьдын уралдаанаар эхэлсэн энэ өдрийн наадам “Айраг Фестиваль”-аар үргэлжилж байна. Энэхүү фестивальд нутаг нутгийн айргыг амталж хамгийн сайхан айраг болон хамгийн гоё хөхүүрийг шалгарууллаа. Хамгийн гоё ур хийцтэй хөрүүрээр Төв аймгийн 61-ийн гарамын н.Сарантунгалагийн монгол ур хийц, хээ угалзтай хөхүүр шалгарлаа. 

Архангай, Булган, Төв зэрэг аймгийн хамгийн сайхан амттай, уруул чимчигнүүлсэн 9 айлын айраг ирснээс Булган аймгийн Могод сумын малчин Б.Батсайханы айраг хамгийн Сайхан айргаар шалгарлаа. 

Мөн монголын ард түмний дунд ихэд дэлгэрсэн Дэмбээ наадгайн тэмцээн болж байна. Тус тэмцээнд нутаг нутгийн 42 дэмбээчин оролцон наадаж байна. Уламжлалт найдгайн нэг Дэмбээ найдгайншилдэг дэмбээчнээр Төв аймгийн Бүрэн сумын  н.Найдалмаа тодорсон юм. 

ММСУХ-ны 15 жилийн нэрэмжит Монголын Уяачдын шинэ жилийн цэнгүүн болов ММСУХ-ны 5-р их хурлаас сонгогдсон холбооны шинэ удирдлага анх удаагаа Монголын Уяачдын шинэ жилийн цэнгүүнийг 2010оны 12дугаар сарын 16 нд “PALACE” зочид буудлын “НАРАН” ресторанд хийлээ.
Монгол Улсын Засгийн газрын тогтоолтой “Дүнжингарав-2016” төвийн бүсийн хаврын уралдаан Монгол Улсын Засгийн газрын 2016 оны 02 дугаар сарын 08-ны өдрийн 91 дүгээр тогтоолд заасны дагуу уламжлалт “Дүнжингарав-2016” төвийн бүсийн хаврын уралдааныг 2 дугаар сарын 28-ны өдөр Төв аймгийн Аргалант сумын нутаг Цагаан хөтөлд зохион байгууллаа.
“Алтан морь” шагналын эзнээр НМСУХолбооны Тэргүүн М.Мөнхбаясгалан тодорлоо Монголын хурдан морины уралдааныг хөгжүүлэх үйлсэд өөрийн оюун ухаан, бие сэтгэл, хөрөнгө хүчээ зориулан, ММСУХ-ны бодлого үйл ажиллагааны хүрээнд амжилттай ажиллаж, Монголын үндэсний их өв соёл хурдан морины уралдааны түүхэнд гарамгай гавьяа байгуулсан хурдан морины зүтгэлтэнд жилд нэг удаа олгодог Азийн Морин Уралдааны холбооны дээд шагнал “Алтан морь” шагналыг ММСУХ-ноос санаачилан бий болгосон билээ. “Алтан морь” шагнал нь тухайн жилдээ хурдан морины үйлсэд онцгой амжилт гаргасан байгууллага, иргэнд олгогдож байх юм.