Мэдээ мэдээлэл

“Дүнжингарав-2015” төвийн бүсийн хаврын уралдааныг хойшлууллаа.

2 дугаар сарын 28-ны өдөр буюу хаврын тэргүүн сарын шинийн 10-ны өдөр зохион байгуулахаар тов тогтоолоо

Монгол Улсын Засгийн газрын 2015 оны 02 дугаар сарын 02-ны өдрийн 33 дугаар тогтоолын дагуу хурдан морины “Дүнжингарав-2015” Төвийн бүсийн хаврын уралдааныг Хаврын тэргүүн сарын шинийн 4-нд буюу 2015 оны 2 дугаар сарын 22-ны өдөр зохион байгуулахаар товлосон билээ. 
“Дүнжингарав-2015” хаврын бүсийн уралдааныг зохион байгуулах комисс цочир хүйтэн, цасан шуургатай цаг агаарын аюултай нөхцөл байдлын улмаас уралдаанч хүүхдийн аюулгүй байдлыг хангах зорилгоор газар дээр нь нөхцөл байдалтай танилцан уралдааныг түр хойшлуулан Зохион байгуулах комисс дахин хуралдахаар болсон юм. 

Зохион байгуулах комисс хойшилсон уралдааны товыг тогтоох талаар Зохион байгуулах комисс хуралдан Ус цаг уур орчны шинжилгээний газраас цаг агаарын нарийвчилсан мэдээ, морь уралдахад сайн өдөр, уралдаанч хүүхдийн аюулгүй байдал, уяачдын хөдөлмөр зэрэг олон зүйлийг харгалзан 2 дугаар сарын 28-ны өдөр буюу хаврын тэргүүн сарын шинийн 10-ны өдөр зохион байгуулахаар тов тогтоолоо.

“АЛТАЙН ХУРД-2016” БАРУУН БҮСИЙН УРАЛДААН АМЖИЛТТАЙ ЗОХИОН БАЙГУУЛАГДЛАА Монгол Улсын Засгийн газрын шийдвэрээр тус аймагт 4 дэх удаагаа зохион байгуулагдаж байгаа баруун бүсийн хурдан морины уралдааныг Монголын Морин спорт, Уяачдын холбооны удирдлага чиглэлийн дагуу гурвалсан гэрээ байгуулж, аймгийн Иргэдийн төлөөлөгчдийн хурлын Тэргүүлэгчдийн хурлаар комисс томилуулан бэлтгэлийг хангаж, гэрээний заалт, уралдааны дүрмийг хэрэгжүүлэн амжилттай зохион байгуулагдлаа
“Макс” группын нэрэмжит уралдаан өргөжин тэлжээ Макс группын нэрэмжит хаврын уламжлалт уралдаан дөрөвдүгээр сарын дөрвөнд Төв аймгийн төв Зуун мод хотноо боллоо.
ММСУХ Хурдан морь унаач хүүхдийн даатгалыг хариуцна ММСУХ – Монголын үндэсний их баяр наадмын нэгэн төрөл хурдан морины уралдааны зохион байгуулалтанд онцгой анхаарч байгаагийн тод илрэл нь Хурдан морь унаач хүүхдийн даатгалын асуудал юм.