Монголын морин спорт, уяачдын холбооны Ёс зүйн зөвлөлийг шинэчилсэн бүтцээр байгууллаа.
6 дугаар Их Хурлаар батласан шинэчилсэн Дүрмийн хүрээнд Ёс зүйн зөвлөлийг 9 хүний бүрэлдэхүүнтэй шинэчилэн байгууллаа.
Монголын морин спорт, уяачдын холбооны 6 дугаар Их Хурлаар батласан шинэчилсэн Дүрмийн хүрээнд Ёс зүйн зөвлөлийг 9 хүний бүрэлдэхүүнтэй шинэчилэн байгууллаа.
Монголын морин спорт, уяачдын холбооны Ёс зүйн зөвлөлийн бүрэлдэхүүнд ММСУХ-ны Хүндэт тэргүүлэгч, Монгол Улсын Соёлын гавъяат зүтгэлтэн А.Баярмагнай, тэргүүлэгч, Монгол Улсын гавъяат хуульч Б.Цэрэнбалтав, тэргүүлэгч, Архангай аймгийн МСУХ-ны тэргүүн, Монгол Улсын Тод Манлай уяач Ц.Дуламсүрэн, Б.Содномцог тэргүүлэгч гишүүн, Аймгийн Алдарт уяач Ц.Энхбат, тэргүүлэгч Я.Болдбаатар, Х.Бадамсүрэн, Ц.Баянжаргал, тэргүүлэгч, Ажлын албаны дарга Ч.Сарангэрэл нарыг сонгосон байна.
Монгол улсын хууль тогтоомж, ММСУХ-ны Дүрэм болон Монголын хурдан морины уралдааны дүрэм, уяаны дэг жаяг, ёс уламжлалыг зөрчин Холбооны нэр хүнд, бодлого, үйл ажиллагаанд харш үйлдэл, эс үйлдэл хийсэн гишүүнтэй хариуцлага ногдуулах асуудлыг шийдвэрлэх чиг үүрэг бүхий Ёс зүйн зөвлөл Монголын уяачдын Ёс зүйн Дүрэм, Ёс Зүйн зөвлөлийн ажиллах журмыг боловсруулан дараагийн хуралдаанд танилцуулан батлуулах үүргийг хүлээсэн байна.