Мэдээ мэдээлэл

Пума хул дуутай болжээ

МУАУяач Ц.Гантөмөрийн “Торгон хул” азарга нь улс бүсийн болоод шигшмэл хурдан морьдийн уралдаанаас нийт 3 түрүү 5 айраг хүртээд байна

“Пума хул” энэ нэрийг дуулаагүй морь сонирхогч нэгээхэн ч үгүй байх. МУАУяач Нямдэлэгийн Баатар  улс, бүс болоод Монголын шигшмэл хурдан морьдын Их хурд уралдаанд нийт 4 түрүүлгэж, 5 айрагдуулсан байдаг.

 

Хул азарганы Улс бүсийн чанартай наадмуудын амжилтыг дурьдвал:

2003 онд 8 настай азарга  “Эрдэнэт уулын овоо тахилга” Хангайн бүсийн уралдаанд айргийн гурав

2004 онд 9 настай азарга Монголын хамгийн хурдан хүлэг шалгаруулах “ИХ ХУРД 3” уралдаанд айргийн дөрөв

2005 онд 10 настай азарга “Дүнжингарав 2005” Хаврын бүсийн уралдаанд түрүү

2006 онд 11 настай азарга “Дүнжингарав 2006” Хаврын бүсийн уралдаанд аман хүзүү

2007 онд 12 настай азарга АХ-ын 86 жилийн ой Үндэсний их баяр наадамд айргийн дөрөв

2008 онд 13 настай азарга  “Дүнжингарав 2008” Хаврын бүсийн уралдаанд түрүү

2009 онд 14 настай азарга “Дүнжингарав” хаврын бүсийн уралдаанд түрүүлж, Баянхонгор аймагт зохиогдсон Ламын гэгээн Лувсанданзанжанцаны түмэн мэлмий гийсний 370 жилийн ой “Хангайн бүсийн их хурд” даншиг наадамд айргийн 5-д хурдалсан байна.

Хул азарга нь цэвэрхэн, арьс хөрс нимгэн, бэлэн давхилтай, хөлийн хурд ихтэй адуу. Уяачид болоод Монголын морь сонирхогч мянга мянган ард түмний дунд "Пума" нэрээрээ алдаршсан хул азарга “Торгоны зам ХХК”-ны захирал МУАУяач Ц.Гантөмөрт очсоноор “Торгон хул” нэртэй болсон билээ.

Улмаар Ц.Гантөмөр алдарт хул азаргандаа зориулсан дуу бүтээлгэсэн гэнэ. Тус дууны үгийг Н.Баянмөнх аяыг . Б.Пүрэвсүрэн , дуучин Дундговь аймгийн Дэлгэрхангай сумын уугуул, СТА Эрдэнэсүрэнгийн Төрмандах дуулсан ба HERO энтертайнментаар клипийг нь хийсэн байна.

 

Хотгойдын хурд-3 даншиг наадам Хангайн бүсийн хурдан морины уралдааны хөтөлбөр
"Говь шанх-V" говийн бүсийн уралдааны эрлийз дунд насны албан ёсны цуваа 1. Өмнөговь аймгийн Булган сумын уугуул, Монгол Улсын Манлай Уяач Намдагийн Хүрлээгийн хээр үрээг уралдаанч хүү 14 настай н.Баярхүү унаж түрүүлгэлээ
“MONGOLIAN SATURDAY” ДЭЛХИЙН АВАРГЫН ӨМНӨХ ТОМ СОРИЛД ТҮРҮҮЛЛЭЭ 2015 онд монголчуудын тэр тусмаа морин эрдэнээ дээдлэгчдийн хувьд баяр, бахдал дүүрэн гайхамшигт өдөр болж Говь-Алтай аймгийн Баян-Уул сумын уугуул, Монгол Улсын Тод Манлай Уяач Дагвадоржийн Ганбаатарын Mongolian Saturday түрүүлж Дэлхийн аварга хэмээх эрхэм алдрыг хүртэж байсан бол 2016.10,09-нд Америкийн Keenland-д болсон "Дэхийн Аварга"-ийн өмнөх сорил уралдаан болох "Woodford S. Presented by Keeneland Select (G3)"-д тэргүүн байрт орлоо. Mongolian Saturday хүлгийн хувьд өнгөрсөн жил дэлхийн аварга болохын өмнө энэ уралдаанд 2-р байрт орж байсан юм.