Мэдээ мэдээлэл

Нийслэлийн Баянзүрх дүүрэгт “Монгол Уяач-3000” зөвлөлгөөнийг зохион байгууллаа

Монголын Морин Спорт Уяачдын Холбоо бодлого, үйл ажиллагаагаа гишүүддээ танилцуулж, салбар холбооны үйл ажиллагаатай танилцан цаашдын бодлого, үйл ажиллагаандаа гишүүд, уяачдын санал, бодлыг сонсох зорилготой “МОНГОЛ УЯАЧ-3000” сумдын зөвлөлгөөнийг 2015 оны 04 дүгээр сарын 20-ны өдөр Төв аймгийн Баянжаргалан сумаас эхлүүлсэн билээ.

2016/08/31

Өнгөрсөн хугацаанд Төв, Хэнтий, Өвөрхангай, Дундговь аймгийн зарим сумдад хийгдсэн хийсэн бол энэ удаад Улаанбаатар хотын Баянзүрх дүүргийн “Гачуурт хурд”МСУХолбооны гишүүд уяачдын төлөөлөл оролцсон  зөвлөлгөөнийг зохион байгууллаа.

Тус зөвлөлгөөнд Монголын Морин Спорт, Уяачдын Холбооны Ерөнхий нарийн бичгийн дарга Пүрэвийн Сэргэлэн, Ажлын албаны дарга Чулуунбатын Сарангэрэл, ММСУХ-ны ажлын алба,Монгол Улсын Тод Манлай уяач Цэвээнжавын Дуламсүрэн, Бэгзсүрэнгийн Содномцог,  “Гачуурт хурд” МСУХ-ны тэргүүн Б.Нямдорж, Дэд тэргүүн Д.Зоригтбаатар  болон уяачдын төлөөлөл нийт 50 гаруй хүн оролцлоо.

Улаанбаатар хотын Баянзүрх дүүрэгт зохион байгуулсан “Монгол уяач-3000” сумдын зөвлөлгөөний үеэр Ерөнхий нарийн бичгийн дарга П.Сэргэлэн сүүлийн жилүүдэд хийсэн ажил болон цаашид хийх ажлынхаа талаар товч мэдээлэл хийж, уяачид санал бодлоо чөлөөтэй илэрхийлж, харилцан санал солилцсон ажил хэрэгч ач холбогдолтой арга хэмжээ боллоо.

Тус зөвлөлгөөний үеэр ММСУХ “Гачуурт хурд” МСУХ-г батламжилж, Монголын Морин Спорт, Уяачдын Холбооны бодлого, шийдвэрийг орон нутагт хэрэгжүүлэхэд олон жил идэвхи зүтгэл гаргасан нэр бүхий морины зүтгэлтэн, уяачдыг “Уяачын алдар" одон, ММСУХ-ны 20 жилийн ойн тэмдгээр шагнасан юм.

 

Санал болгох
Азийн морин уралдааны холбооны 37 дугаар чуулган зохион байгуулагдана Азийн морин уралдааны холбооны 37 дугаар чуулган 2018 оны 05 дугаар сарын 13-18-ны өдрүүдэд Бүгд Найрамдах Өмнөд Солонгос улсад зохион байгуулагдах юм.
Хангайн бүсийн хурд-2009 уралдааны хурдан даага барианд орлоо Ламын Гэгээн Лувсанданзанжанцаны түмэн өлзий гийсний 370 жилийн ойн Даншиг наадам буюу Хангайн бүсийн хурдан морины уралдааны эхний өдөр бага 3 насны морьд уралдаж дааганы уралдаанаар өндөрлөлөө.
“Говь шанхын хурд-5” говийн бүсийн хурд-2015 уралдаан Өмнөговь аймгийн Даланзадгад хотноо амжилттай зохион байгуулагдлаа Монголын морин спорт, уяачдын холбооны Тэргүүлэгчдийн хурлын 2015 оны 01 дүгээр сарын 15-ны өдрийн 15/02 дугаар тогтоолоор түүхт 20 жилийн ой, болон 5 бүсийн уралдаанаа товлон, Засгийн газарт 2015 оны 01 дүгээр сарын 20-ны өдрийн 15/04 тоот албан бичгээр хүсэлт тавьж, Засгийн газрын 2015 оны 02 дугаар сарын 2-ны өдрийн 33 дугаар тогтоолоор Говийн бүсийн зуны хурдан морины уралдааныг 07 дугаар сарын 25-26-ны өдрүүдэд Өмнөговь аймагт зохион байгуулах шийдвэр гарсан билээ.