Мэдээ мэдээлэл

ТАЙЖ ХАЛТАР АЗАРГА, БААСАНБАЗАРЫН ХОНГОР МОРЬ ЭЗЭДДЭЭ “LAND KRUISER-200” АВТОМАШИН АВЧИРЛАА

ХАМГИЙН ӨНДӨР БАЙ ШАГНАЛ “ИХ ХУРД-5”-ЫНХ БАЙВ

Энэ жилийн “Их хурд-5” уралдаанд 109 азарга бүртгүүлсэн байв. Хэний ямар азарга түрүүлж, айрагдахыг уяачид янз бүрээр тааварлаж байв. Тэдгээр тааварт “Энэ жилийн Улсын баяр наадамд түрүүлсэн Төв аймгийн Баян сумын уяач Хэнгэрэгийн Цогтсайханы “Сүмбэн зээрд” азарга ирнэ” гэсэн “тааврыг” хэлэх хүн олон байв.

 

Долоон сарын 21-ний өглөө азарга гарааны зурхай тийш хөдлөхөд “Амгалан төрийн ажнай шарга”-ыг харах гэсэн хүн олон байв. Шарга азаргыг энэ жил уялгүй өнжөөж, амрааж байгаа бөгөөд ирэх жил Улс хувьсгалын 90 жилийн ойгоор уралдуулна гэдгээ эзэд нь манай сэтгүүлээр дамжуулан мэдэгдсэн билээ.

 

Наадмын од нь гийж “Их хурд-5” уралдаанд түрүүлж айрагдсан болон цээжинд хурдалсан азарга, их насны морьдын цувааг дор нийтэлж байна.

 

АЗАРГА:

  1. Төв аймгийн Баянцогт сумын уугуул Монгол Улсын Манлай уяач Д.Мөнхбатын “Тайж” халтар
  2. Улаанбаатар хот. Хан-Уул дүүргийн харьяат А.Отгонбаярын хилэн хар
  3. Төв аймгийн Баян сумын уугуул Х.Цогтсайханы Сүмбэн зээрд
  4. Дундговь аймгийн Дэлгэрцогт сумын уугуул О.Тагарваагийн “Далай” зээрд
  5. Хэнтий аймгийн Цэнхэрмандал сумын уугуул Д.Мөнхдэлгэрийн халтар
  6. Говь-Алтай аймгийн Баян-Уул сумын уугуул Монгол Улсын Манлай уяач Д.Цэрэнжигмэдийн зээрд
  7. Төв аймгийн Сэргэлэн сумын уугуул даян аварга А.Сүхбатын “Хишиг” хүрэн
  8. Төв аймгийн Баян сумын уугуул Д.Мөнхцогийн цоглог зээрд.
  9. Говь-Алтай аймгийн Дарви сумын уугуул П.Батсүхийн шагай хээр
  10. Завхан аймгийн Эрдэнэ Хайрхан сумын уугуул Н.Даш-Өлзийгийн цавьдар

 

 

ИХ НАС

 

  1. Төв аймгийн Лүн сумын уугуул Б.Баасанбазарын хонгор
  2. Өвөрхангай аймгийн Хайрхандулаан сумын уугуул М.Эрхэм-Баярын саран хонгор
  3. Завхан аймгийн Яруу сумын уугуул Ц.Баянжаргалын чандмань халтар
  4. Ховд аймгийн Дуут сумын уугуул Б.Даваанямын хар халзан
  5. Ховд аймгийн Дарви сумын уугуул Б.Мөнхтөрийн хээр
  6. Говь-Алтай аймгийн уугуул “Алтай констаркшн-ы захирал Х.Бат-Эрдэнийн ногоон
  7. Говь-Алтай аймгийн уугуул Н.Зоригтын халтар
  8. “Эрдэнэт” ХХК-ийн захирал Ч.Ганзоригийн хүрэн
  9. Төв аймгийн Батсүмбэр сумын уугуул Ш.Нямсүрэнгийн бор
  10. Баянхонгор аймгийн Гурванбулаг сумын уугуул Д.Баатарын хонгор

 

ММСУХ-ны 20 жилийн ойн баяр наадмын хурдан хязаалангийн албан ёсны цуваа Монгол Улсын Засгийн газрын тогтоолтой Монголын Спорт, Уяачдын Холбооны түүхт 20 жил, Дэлхийн дээд амжилт Гиннест бүртгүүлсний 2 жил, Уяачдын баяр наадмын хурдан хязаангийн уралдаанд газар газрын шандаст хурдан 192 хязаалан уралдсан юм. Энэ жилийн Үндэсний их баяр наадам, Монгол Улсын Засгийн газрын тогтоолтой бүсийн хурдан морины уралдаанд түрүүлж, айрагдсан хурдан хязаалангууд ирсэн байлаа.
ММСУХ-ны “МОНГОЛ-УЯАЧ” шинэ жилийн цэнгүүнд хүрэлцэн ирэхийг урьж байна Аймаг, сумдын салбар холбоод, Гал уяаныхан шинэ жилд оролцох мэдүүлгээ 12-р сарын 15-ны дотор ММСУХ-ны ажлын албанд өгнө үү.
"Говь шанх-V" говийн бүсийн уралдааны эрлийз дунд насны албан ёсны цуваа 1. Өмнөговь аймгийн Булган сумын уугуул, Монгол Улсын Манлай Уяач Намдагийн Хүрлээгийн хээр үрээг уралдаанч хүү 14 настай н.Баярхүү унаж түрүүлгэлээ