ММСУХ-ны монгол уяачдын шинэ жилийн цэнгүүн
ММСУХ-ны монгол уяачдын шинэ жилийн цэнгүүн 2012 оны 12-р сарын 16 нд Улааныбаатар ресторанд ёслол төгөлдөр болов.
ММСУХ-ны монгол уяачдын шинэ жилийн цэнгүүн 2012 оны 12-р сарын 16 нд Улааныбаатар ресторанд ёслол төгөлдөр болов. монгол уяачдын шинэ жилийн цэнгүүнийг нээж Монгол улсын Их хурлын дэд дарга, ММСУХ-ны Ерөнхийлөгч М.Энхболд нээж монголын олон мянган уяачид тэдний гэр бүлд сайн сайхныг хүсээд баярын мэндчилгээг дэвшүүлэв. ММСУХолбоо шинэ жилдээ 21 аймгийн салбар холбоодоосоо 5 ахмад болон хурдан морины зүтгэлтэн, уяачдыг урьж оролцуулан гарын бэлэг гардуулав. Уяачдын холбооны шинэ жилээр олон хүндтэй шагналуудыг гардуулдаг уламжлалтай билээ.ММСУХ-ны эрхэм дээд шагнал “МОЛОР-ЭРДЭНЭ” одон, хурдан морины зүтгэлтэнд жилдээ нэг олгодог “АЛТАН МОРЬ” шагнал, тухайн жилийн хамгийн өндөр чансаатай 9 уяач, 9 уралдаанч хүүхэд, 9 азарга, 9 их насны морьдын чансааг тогтоож олны өмнө зарлан эзэд уяачдад, уралдаанч хүүхдүүдээ шагнадаг. Мөн уяачдын холбооны шинэ жилд шилдэг 9 уралдаанч хүүхдүүдийн ээжүүдийг урьж оролцуулан 200 мянган төгрөг мөнгөн аягаар шагнадаг уламжлалыг тогтоод байгаа билээ. Мөн тухайн жилдээ ММСУХ-ны бодлого үйл ажиллагааг олон нийтэд хүргэхэд сайн ажилласан байгууллага хувь хүмүүсийг шалгаруулан олон нийтэд зарлан өргөмжлөл холбооны тусгай шагналыг гардуулдаг. 2012 онд хамгийн сайн ажилласан спортын сэтгүүлчээр МҮОНТ-ийн “Чандмань” студийн сэтгүүлч Батжаргал, холбооны бодлого үйл ажиллагааг олон нийтэд сурталчилан таниулсан байгууллагаар МҮОНТ шалгарсан билээ.
