Мэдээ мэдээлэл

Монгол Улсын Тод Манлай Уяач Д.Ганбаатар “Молор эрдэнэ” одонгоор шагнагдлаа

Монголчууд 2000 жилийн тэртээгээс хүлэг сайн морьдынхоо шандас юуг сорин уралдуулж, ид хавыг нь гайхуулсаар ирсэн баялаг түүхтэй ард түмэн. Морин уралдаан, Монгол наадам бол баяр цэнгэл төдий бус нүүдэлчин Монгол түмний ахуй амьдрал, зан заншлын толь болсон соёлын томоохон өв, цаашлаад тусгаар тогтнолын бэлгэ тэмдэг юм.

      Туурга тусгаар улсын бэлгэ тэмдэг болсон эрийн гурван наадам тэр дундаа морины уралдааныг хөгжүүлж,  мориор дамжсан үндэсний өв соёлоо түгээн дэлгэрүүлж, хойч үедээ өвлүүлэн үлдээх үйлсэд үнэтэй хувь нэмрээ оруулж яваа уяачид, хурдан морины зүтгэлтнүүд  улиран одож буй 2015 оныхоо амжилт, бүтээлийг дүгнэлээ. Өнөө жилийн баярын цэнгүүн ММСУХ үүсч байгуулагдсаны 20 жилийн ойтой давхцаж байгаагаараа онцлог бөгөөд морин уралдааныг хөгжүүлэх үйлсэд онцгой хувь нэмрээ оруулсан эрхмүүд  хөдөлмөрөө үнэлүүлэн энгэрээ мялаасан юм. 

            ММСУХ-ны эрхэм дээд шагнал Молор эрдэнэ одонгоор Говь-Алтай аймгийн Баян-Уул сумын уугуул, Монгол Улсын Тод Манлай Уяач, “Макс” группийн Ерөнхийлөгч  Дагвадоржийн Ганбаатар шагнууллаа.  2015 оны 10-р сарын 31-нд  АНУ-ын Кентукки мужийн Лексингтон хотноо болсон 32 дахь удаагийн Breeders cup уралдаанд Mongolian Saturdaу  дуудлагат  хээр морио зүлэгний спринт төрөлд  түрүүлгэн монгол уяачийн ур чадварыг дэлхий дахинаа гайхуулсан билээ. 

      Энэхүү нэр хүндтэй эрхэм шагнал “Молор Эрдэнэ” одонг хамгийн анх  Өвгөн ноён Хар дэл жанжин бэйс М.Пүрэвжавт нэхэн олгож байсан бол 2013 онд ММСУХ-г анх үүсгэн байгуулагчдад  өнгөрсөн жил ММСУХ-ны Тэргүүн Дэд Ерөнхийлөгч  МУТМУ Д.Дагвадоржид  олгосон байдаг.

      ММСУХ-ны дээд шагнал “Молор-Эрдэнэ” одонг Монголын үндэсний морин спортыг хөгжүүлэх, хурдан морийг уяж сойх эрдэм ухааныг түгээн дэлгэрүүлэх, хурдан морины үүлдэр угсааг сайжруулах үйл хэрэгт гарамгай гавьяа байгуулсан Монгол Улсын иргэнийг шагнадаг журамтай...

      Монгол уяачийн ур чадварыг дэлхийд гайхуулж Монгол түмний бахархлыг нэгээр нэмсэн энэхүү үйл явдал нүүдэлчин Монголын соёл эрийн гурван наадмын бүх төрлүүд дэлхийд данстай болсныг баталж, цаашлаад Монгол уяачид олон улсад гарч уралдах гарцыг нээсэн түүхэн үйл явдал юмаа.

 

Хангайн бүсийн хурд-2009 уралдааны хурдан шүдлэн барианд орлоо Хангайн бүсийн хурд-2009 уралдааны хурдан шүдлэн барианд орлоо. 230 гаруй хурдан шүдлэн насны морьд гарааны зурхайгаас хөдөлснөөс
2013 онд Их хурд , Улс , Бүс ,Гиннесийн уралдаанд түрүүлж , айрагдсан хурдан морьдын амжилтыг эмхэтгэсэн ном хэвлэгдэн гарлаа Монгол түмэн Монгол наадмын хөх тэнгэр доор морь, хүүхэд эсэн мэнд ирэхийг билэгдэн хурсан олноороо эвлэлдэн нэгдэж, эв эеийг дээдэлдэг билээ.
“Арвагар хээрийн хурд 2016” хангайн бүсийн хаврын уралдааны хурдан соёолонгийн уралдааны албан ёсны цуваа 1.Өвөрхангай аймгийн Баянгол сумын уугуул Шоовдорын Чулуунхүүгийн хонгор үрээг Б.Банди хүү унаж түрүү магнайд хурдлууллаа