Мэдээ мэдээлэл

Хамгийн азтай уяач Турк улсад аялах эрхийн бичгээр шагнууллаа

Монголын уяачдыг халуун дулаан баярт умбуулдаг уяачдын шинэ жилийн цэнгүүнийг Монголын Морин Спорт Уяачдын Холбоо 2 дахь удаагаа өргөн дэлгэр тэмдэглэн өнгөрүүллээ.

Монголын уяачдыг  халуун дулаан баярт умбуулдаг  уяачдын шинэ жилийн цэнгүүнийг  Монголын  Морин Спорт Уяачдын Холбоо  2 дахь удаагаа өргөн дэлгэр тэмдэглэн өнгөрүүллээ. 2011 оны шинэ жилд хөдөө орон нутгийн  салбар холбоод, гал уяаны төлөөлөл болсон  500 гаруй уяачид, хурдан морины зүтгэлтнүүд хүрэлцэн ирсэн билээ.  2011 оны шинэ жилийн цэнгүүний  хамгийн азтай уяачийг шалгаруулах хонжворт сугалааг ММСУХолбоо  зохион байгууллаа. 500 гаруй уяачийн суудлын дугаарыг хонжворт сугалааны хайрцаганд хийж  Монголын анхны спортын мастер хурдан морины унаач  Батбаярын Мягмарсүрэнгээр  сугаллуулахад  27 номерийн ширээний 200 дахь дуугаарыг сугалав.

  Турк улсын Станбул хотод 2012 оны 7-р сарын 16-наас 20-ны хооронд болох Азийн морин уралдааны холбооны 34-р бага хуралд Монгол улсын төлөөлөгчөөр оролцох эрхийг  Говьсүмбэр аймгийн харьяат “Их салхин” гал уяаны  Б.Ганбат уяач хамгийн их азтанаар тодорлоо.   Б.Ганбат уяач маань Ардын хувьсгалын 90 жилийн ойгоор улсын наадамд хурдан хязаалангаа  15-т хурдлуулсан залуу уяач юм.  “Их салхин” гал уяаны уяач хурдан “Хилэн” хар азарганы эзэн Арилдийн Отгонбаяр  27 номерийн ширээг сонгож  6-н суудал худалдаж авсаны нэг нь Б.Ганбат уяачдад таарсан байжээ.  

Азийн морин уралдааны холбооны  бага хурлыг 3 жил тутамд зохион байгуулдаг бөгөөд энэ бага хурлаар Ази тивийн морин уралдааны бодлого, цаашдын үйл ажиллагааны талаар гишүүн орнууд харилцан ярилцаж, хамтран шийддэг  олон улсын бага хурал юм. Манай улс 2010 онд Австралийн Сидней хотод болсон 33-р бага хуралд оролцож Азийн морин уралдааны холбооны гишүүн  орон болж байсан билээ.  Мөн ММСУХ-ны шинэ жилийн цэнгүүнд хүрэлцэн ирсэн бүх уяачддаа  зориулж  ширээ болгонд сугалаа  явуулж азтангууд нь хазаар, хазаарын амгай хожлоо.   

Монголын Морин Спорт, Уяачдын Холбооны 2011 оны шилдгүүд ММСУХ жил бүр оны шилдгүүдээ шалгаруулж, сар шинийн босгон дээр олон нийтэд зарладаг уламжлалтай. Үндэсний морин уралдааныг хөгжүүлэх үйлсэд амжилт гарган бусдыгаа ажил үйлсээрээ манлайлсан шилдэг уяач, шилдэг гал уяа, шилдэг залуу уяач, шилдэг салбар холбоо шилдэг хурдан морь унаач хүүхдүүдийн амжилтыг үнэлэн дүгнэж, ММСУХ-ны тэргүүлэгчдийн хурлаар хэлэлцэн шийдвэрлэдэг билээ.
ХУРДАН МОРЬ УНААЧ ЗУРГААН ДЭД МАСТЕР ТӨРЛӨӨ ММСУХ Биеийн тамир спортын газартай хамтран хурдан морь унаач хүүхдүүдэд спортын мастер, дэд мастер цол олгох цол зэргийн ангиллын нэгдсэн журам батлан гаргасан билээ. Энэ журмын дагуу энэ жил анхны дэд мастерууд төрөн гарлаа.
“Тайж “ “Банди” угшлийн морьд хурдан байн 2009 оны Үндэсний их баяр наадмын их насны морьдын уралдаанд энэ нутгийн унаган "Бэлон" ХХК ны захирал Баатархүүгийн хээр морь түрүүлж алтан жолоогоо өргүүлэв.