Мэдээ мэдээлэл

Үндэсний их баяр наадам хязаалан насны морьдын уралдаан

Хүннү гүрэн байгуулагдсаны 2200 жил, Их Монгол Улс байгуулагдсаны 805 жил, Тусгаар тогтнолын 100 жил, Ардын хувьсгалын 90 жилийн ойн Үндэсний их баяр наадам Хүй долоон худагт хурдан хязаалан насны морьдын уралдаанаар эхэллээ.

Үндэсний их баяр наадмын хурдан морьдын уралдаан хязаалан насны морьдын уралдаанаар эхэлж газар газрын 269 алтан туурт тоосоо өргөснөөс:

1. Увс аймгийн Зүүнговь сумын уяач Бэчээрийн Далайгийн халтар түрүүлж тод магнай торгон жолоо өргүүлэв

2. Өвөрхангай аймгийн Богд сумын уяач Дуламсүрэнгийн Одгэрэлийн Буган хүрэн хурдлав. Энэхүү хурдан үрээ өнгөрсөн жил Өвгөн ноёны нэрэмжит Зүүн бүсийн уралдаанд айргийн тавд давхиж байсан билээ. 

3. Ховд аймгийн Дарви сумын Монгол улсын манлай уяач Батчулууны Мөнхтөрийн хээр буурал. Энэ үрээ бол манлай уяач Мөнхтөрийн шүдлэн, хязаалан, соёолон насандаа төрийн наадамд айрагдсан хурдан хар бор морийнх нь төрсөн дүү нь юм. 

4. Говь-Алтай аймгийн Халиун сумын уяач Санжаагийн Ганболдын хонгор.

5. Төв аймгийн Баянцагаан сумын уяач Мөрнэрэнгийн Энхбатын цавьдар

6. Завхан аймгийн Яруу сумын уяач Дашзэвэгийн Дагвадоржийн хул

7. Улаанбаатар хотын уяач Ч.Хишигбаатарын хул

8. Төв аймгийн Баянжаргалан сумын уяач Бат-Очирийн Саранхүүгийн бор

9. Сүхбаатар аймгийн Асгат сумын уяач Жамъянгийн Баярсайханы хүрэн. Хүрэн үрээ нь даагандаа Дорнодын зүүн бүсд айргийн тавд хурдалж, өнгөрсөн жил Өвгөн ноёны нэрэмжит зүүн бүсийн уралдаанд аман хүзүүдсэн хурдан хүлэг билээ.

10. Төв аймгийн Сэргэлэн сумын уяач, МУ-ын даян аварга Агваансамдангийн Сүхбатын дүүрэн хэмээх хул үрээ тус тус 1-10-д хурдалж хурсан олноо баясгалаа.

 

Монгол улс-Азийн морин уралдааны холбооны гишүүн орон болж албан ёсны батламжаа гардан авлаа АМУХ-ны 33-р зөвлөлгөөнд дэлхийн 36 орны 1200 орчим морин спортын төлөөлөгчид оролцсоны дотор Олон улсын морин уралдааны холбооны ерөнхийлөгч Люьс Романет, Олон улсын олимпын хорооны төлөөлөгчид, морин спорт өндөр хөгжсөн Америк, Англи, Ирланд, Франц, Өмнөд Африк, Швед, Швейцари, Иран, Турк, ОХУ, Хятад гэх мэт орнуудын морин спортын холбоодын төлөөлөгчид морины зүтгэлтнүүд оролцлоо. 
ТАВАНТОЛГОЙ ХК-ИЙН 50 ЖИЛИЙН ОЙ “ГОВИЙН БҮСИЙН ХУРД 2016 “ УРАЛДААН АМЖИЛТТАЙ ЗОХИОН БАЙГУУЛАГДЛАА Монголын Морин Спорт Уяачдын Холбооноос оруулсан саналын дагуу Монгол Улсын Засгын Газрын 2016 оны 2 дугаар сарын 8-ны өдрийн 91 дүгээр тогтоолоор Говийн бүсийн уралдааныг Өмнөговь аймагт зохион байгуулахаар болж 7 сарын 29-31 өдрүүдэд Тавантолгой ХК-ийн түүхт 50 жилийн ойн баяр наадмын үйл ажиллагаатай хамтатган Өмнөговь аймгийн Цогццэций сум буюу алдарт Говь шанхын хурдны өлгий нутагт амжилттай зохион байгууллаа
“ХУТАГТЫН ХУРД-2015” ХАВРЫН ГОВИЙН БҮСИЙН ХУРДАН МОРИНЫ УРАЛДААНЫ ХӨТӨЛБӨР Засгын газрын тогтооолтой хаврын говийн бүсийн уралдаан Дорноговь аймгийн Сайншанд хотод зохион байгуулагдана.