ММСУХ “Дүнжингарав” хаврын уралдааныг гурав дахь жилдээ зохион байгуулж байна

Монголын морин спорт, уяачдын холбооноос гурав дахь жилдээ зохион байгуулж буй энэхүү уралдаан дэг журамтай, зохион байгуулалт сайтай боллоо. гэж үзэгчид, уяачид, морины зүтгэлтнүүд нэгэн дуугаар хэлж байв. “Морь будлих, дутуу эргэх зэрэг зохисгүй зүйл огт гарсангүй. Хүүхэд морь эсэн мэнд сайхан уралдаад ирлээ” гэж баяртай ярьж суугаа олон уяачтай таарлаа.

Энэ жил анх удаа“Дүжингарав”  уралдааны “Шилдэг уяач”-ийг тодрууллаа. Энэ жилийн энэ уралдааны “Шилдэг уяач”-аар Сүхбаатар аймгийн Түмэнцогт сумын уугуул Монгол Улсын Алдарт уяач Сайрийсүрэнгийн Төмөр-Очир шалгарлаа. Тэрбээр энэ уралдаанд хээр азаргаа айргийн дөрөвт, их насны саарал морио айргийн тавд тус тус хурдлуулж сайхан амжилт гаргасан юм.