Мэдээ мэдээлэл

“Дүнжингарав” уралдааныг зохион байгуулах комиссын даргаар ММСУХ-ны тэргүүлэгч гишүүн Ч.Ганзориг

Энэ жилийн “Дүнжингарав” уралдааныг зохион байгуулах комиссын даргаар ММСУХ-ны тэргүүлэгч гишүүн “Эрдэнэт” уулын баяжуулах үйлдвэрийн ерөнхий захирал Ч.Ганзориг ажилласан бөгөөд ММСУХ-ны салбар Орхон аймгийн уяачдын “Эрдэнэт хүлэг” холбоо хамтран ажиллажээ.

“ДҮНЖИНГАРАВ 2011” уралдааны зам болон хүүхэд, морьдын аюулгүй байдлыг сайтар ханган ажиллаа. Уралдааны өмнөх өдөр буюу 2011,02,26 ны өдөр уралдааны замыг засаж дуусган хурдан морь унаач хүүхдүүдийг нэгдсэн журмаар авч явж уралдааны зам болон гарааны төхөөрөмжийг тайлбарлан хүүхдүүдэд танилцуулав. Мөн байгаль хангай болон хүүхэд, морьдоо даатган МАНЗУШИР хийдийн лам нараар ном хуруулан мандал өргүүлэв.

Морь барианы газар том дэлгэц байрлуулж, уралдааны явцыг гараанаас бариа хүртэл шууд дамжуулан үзэгч олонд хүргэсэн нь энэ уралдааны бас нэг онцлог байв. Мөн Монголын Үндэсний олон нийтийн телевиз, ТВ-9 телевиз уралдааныг орон даяар шууд дамжуулан  хүргэж моринд дуртай монгол түмэндээ бэлэг барьлаа.

Өнгөрсөн зун ЮНЕСКО-ийн биет бус соёлын өвд бүртгүүлж, дэлхийн өв соёлын гайхамшигт данслагдсан эрийн гурван наадмын нэг хурдан морины уралдаан улам бүр хөгжин, боловсронгуй болж буйгийн нэг илрэл, тод жишээ нь энэхүү “Дүнжингарав-2011” уралдаан боллоо гэж спортын сэтгүүлч, тоймчид ярьж байв.

Улсын наадмын үеэр гардаг худалдаа, үйчилгээ халуун хуушуур, хорхог зэрэг бүхий л үйлчилгээ тэнд байсан бөгөөд хурдан морины тоноглол, хазаар чөдөр, ногт сур хар, спорт эмээл зэргийг худалдаалж буй залуус ч таарлаа.
Ийнхүү цагаагчин туулай жилийн хамгийн анхны уралдаан “Дүнжингарав” журамтай сайхан болж өндөрлөллөө. Олон олон наадмын салхийг хагалсан “Дүнжингарав” уралдаанаас уяач наадамчин олон баяр хөөр, илч энерги тээсээр буцлаа.       

Агуу шарга азарганд цол, уяач эзэнд нь алтан гэрэгэ гардууллаа Монгол Улсын Тод манлай уяач Э.Эрдэнэчулууны уяж хурдлуулдаг, Б.Наранхүүгийн хурдан хурдан шарга азарганд ММСУХ-ний тэргүүлэгчдийн хурлын 2010 оны нэгдүгээр сарын 25-ний өдрийн 01/03 тоот тогтоолоор Морины эрхэм дээд цол олгохоор шийдвэрлэсэн билээ.
Аймаг, Хот, Сумдын Морин, спорт уяачдын холбоонд Хурдан морины уралдаан зохион байгуулалт болон унаач хүүхдийн аюулгүй байдлын талаар зөвлөмж, чиглэл өгөх тухай
Монгол уяачийн уясан хүлэг Америкт түрүүлжээ. Сансар хайрхны агь хялгана салхины аясаар "адуу адуу" хэмээн долгилон халиурах бөлгөө. “Тэлмэн зэрэглээн дунд эмнэг адуу шиг цовхчих тэр хөх мөнхийн уул” Төв аймгийн Баянжаргалан сумын нутагт хөндөлсөн буй. Энэ хайрхны нэртэй буюу “Сансар уул” гэдэг хүлэг Америкийн West Virgina мужийн “Charles town” морин тойруулгын уралдаанд түрүүлж торгон жолоо өргүүлжээ.