Мэдээ мэдээлэл

ХАМГИЙН ӨНДӨР БАЙ ШАГНАЛ “ИХ ХУРД-5”-ЫНХ БАЙВ

Монгол Улсад болж байсан хурдан морины уралдаануудаас хамгийн өндөр бай шагналтай нь “Их хурд-5” болж таарах нь.

Монгол Улсад болж байсан хурдан морины уралдаануудаас хамгийн өндөр бай шагналтай нь “Их хурд-5” болж таарах нь. Энэ уралдаанд түрүүлсэн азарга, их насны морьдын эзэд “Ланд крузер-200” маркийн машины түлхүүрийг гардан авсан. Алтан шаргал, сүүн цагаан өнгийн хоёр машинаа хоёр уяач жолоодон баярласан сэтгэлээ наадамчин олонтойгоо хуваалцан нар зөв хэдэнтээ тойрсон. Наадмчин олон ч тэр их баярыг хуваалцан алга нижигнүүлэн ташиж, уухай хашгирч байлаа. Наадмын талбайд морьтой ирсэн хоёр уяач орой харихдаа “Ланд-200” хүлэглээд очихдоо ямар их баяр баяслыг тээж харьсныг зүйрлэшгүй. “Морины төлөө хоёргүй сэтгэлээр зүтгэсэн уяачдынхаа хөдөлмөрийг Монголын морин спорт, уяачдын холбоо үнэхээр үнэлсэн шиг үнэлж байна. Ажил хөдөлмөрөө ингэж үнэлүүлэхээс илүү баяр гэж хаа байхав” гэж нэгэн уяач хэллээ. Түүний морь арван хэдээр давхижээ.

 

“Их хурд-5” уралдааны аман хүзүүний моринд 20.0 сая, гуравт ирсэн моринд 18.0 сая, дөрөвт ирсэн моринд 15.0 сая, айргийн тавд ирсэн моринд 10 сая төгрөгийн байг тус тус олголоо. Мөн дараагийн 10 моринд тус бүр 300 мянган төгрөг, түүний дараагийн 10 морь тус бүрт 100 мянган төгрөг, дараагийн 10 морь тус бүрт 50 мянган төгрөгийн бай олголоо.

ММСУХ-ны 20 жилийн ойн баяр наадмын хурдан хязаалангийн албан ёсны цуваа Монгол Улсын Засгийн газрын тогтоолтой Монголын Спорт, Уяачдын Холбооны түүхт 20 жил, Дэлхийн дээд амжилт Гиннест бүртгүүлсний 2 жил, Уяачдын баяр наадмын хурдан хязаангийн уралдаанд газар газрын шандаст хурдан 192 хязаалан уралдсан юм. Энэ жилийн Үндэсний их баяр наадам, Монгол Улсын Засгийн газрын тогтоолтой бүсийн хурдан морины уралдаанд түрүүлж, айрагдсан хурдан хязаалангууд ирсэн байлаа.
ҮНДЭСНИЙ ИХ БАЯР НААДМЫН ХУРДАН ЭРЛИЙЗ БАГА НАСНЫ АЛБАН ЁСНЫ ЦУВАА Тулгар төрийн 2225, Их Монгол Улсын 810, Ардын хувьсгалын 95 жилийн ойн Үндэсний их баяр наадмын хурдан ЭРЛИЙЗ БАГА НАСНЫ уралдаанд Газар газрын шандаст 48 хүлэг гарааны зурхайгаас нэгэн зэрэг эргэснээс...
2010 оны Монгол улсын үндэсний Их баяр наадам (Шүдлэн) 2010 оны Монгол улсын үндэсний Их баяр наадам /Шүдлэн насны уралдааны фото/