Мэдээ мэдээлэл

Их насны түрүү, айргийн морьд тодорлоо

Их насны түрүү, айргийн морьд тодорлоо

Монголын морин спорт, уяачдын холбооноос зохион байгуулж буй Төвийн бүсийн хурдан морины уралдааныг тус холбооны үүсгэн байгуулагч, санаачлагдын нэг Г.Пунцагбалжир агсны нэрэмжит болгосон билээ. Өнөөдөр болж буй уралдааны  их насны морьдын айргийн таван морь тодорлоо.

Их насны морьдын уралдаанд 117 хүлэг бүртгэгдсэнээс сэрвээний өндрөөр 15 морь хасагдаж, өөрсдийн саналаар 5 морь үлдэж, 97 хүлэг гарааны зурхайгаас хөдөлсөн бөгөөд айргийн тавд дараах уяачдын хурдан хүлгүүд хурдалжээ.

  1. Улаанбаатар хотын Баянзүрх дүүргийн Нийслэлийн алдарт уяач Одгэрэлийн Рэнцэнжүгдэрийн төгс бор түрүү магнай
  2. Завхан аймгийн Тосонцэнгэл сумын харъяат Монгол Улсын Тод манлай уяач Т.Галбадрахын бор морь аман хүзүү
  3. Төв аймгийн Дэлгэрхаан сумын уяач Шаравын Мөнгөншагайн зээрд халзан айргийн гуравт
  4. Завхан аймгийн Тосонцэнгэл сумын Аймгийн алдарт уяач Т.Ууганбаярын халтар айргийн дөрөвт
  5. Өвөрхангай аймгийн Хархорин сумын уяач Занабазарын Батбаярын хээр айргийн тавд тус тус хурдалж торгон жолоо өргөлөө.

Их насны морьд 18 км-ийн зайд уралдсан бөгөөд уралдаанч хүүхэд, удамт хурдан хүлгүүд мэнд сайхан уралдлаа.

Монгол морь дэлхийн дээд амжилт тогтоосны нэг жилийн ойг тэмдэглэлээ Монголчууд дэлхийн талыг эзлэхдээ ч, Ардын их хувьсгалыг хийхдээ ч, түүхийн өмнө тулгарч байсан асуудлуудыг морьтойгоол хамт шийдэж ирсэн.
“Дүнжингарав-2018” уралдаанд айрагдаж түрүүлсэн морьдын цуваа Азарга 1.Завхан аймгийн Яруу сумын уугуул Монгол Улсын Тод Манлай Уяач Дашзэвгийн Давгадоржийн хар буурал 2.Ховд аймгийн Мянгад сумын Загджавын Мэндсайханы зээрд 3. Сүхбаатар аймгийн Дарьганга сумын Гончигийн Цоггэрэлийн хээр 4. Ховд аймгийн Чандмань сумын Яйчилын Ганбаатарын улаан буурал 5. Өвөрхангай аймгийн Уянга сумын уугуул Аймгийн Алдарт Уяач Ганбаатарын Ариунболдын Халиун
Хурдан морь уралдаанч хүүхдүүд байраа гардан авлаа МУТМУ, “Модун хаан групп” ХХК-ийн Ерөнхийлөгч Дамбын Хишигжаргал, МУТМУ, Монголын морин спорт, уяачдын холбооны Ерөнхийлөгч Цогтын Батсайхан , Ерөнхий нарийн бичгийн дарга Чимэддоржийн Хишигбаатар нар 1 өрөө орон сууцнуудыг хурдан морины уралдаанч хүүхэд болон түүний  ар гэрийнхэнд гардуулан өглөө.