Мэдээ мэдээлэл

ММСУХ-ны Тэргүүлэгчид ээлжит хуралдаанаа хийжээ

ММСУХ-ны Тэргүүлэгчдийн хуралдаан 2019 оны 04 сарын 15-ны өдөр болж дараах асуудлыг хэлэлцэн шийдвэрлэжээ.

2019/04/17
  1. Монгол Улсын Засгийн газрын шийдвэрээр 2019 оны 05 сарын 12-ны өдөр зохион байгуулагдах Төвийн бүсийн хурдан морины уралдааныг Монголын морин спорт, уяачдын холбоог үүсгэн байгуулагчдын нэг, тус холбооны анхны ерөнхийлөгч Г.Пунцагбалжир агсны нэрэмжит болгон шийдвэрлэж тус наадмыг зохион байгуулах комиссыг байгуулжээ.
  2. Төвийн бүсийн хурдан морины уралдааны  ангилал, насны ангилалыг тогтоож их нас, соёолон, эрлийз дунд нас уралдуулахаар шийдвэрлэжээ.
  3. Монгол Улсын Засгийн газраас Шигшмэл хурдан морьдын “Их хурд VIII”- уралдааныг 2019 оны 07 сарын 20,21-ний өдрүүдэд зохион байгуулахаар шийдвэрлэсэнтэй холбогдуулан тус уралдааныг Монгол туургатны морьтны өв соёлыг харуулсан наадам болгон зохион байгуулахаар баталжээ. Тус уралдааныг “Шигшмэл хурдан морьдын Их хурд-8, Монгол туургатны морьтны өв соёлын наадам” нэртэйгээр зохион байгуулахаар болжээ.
  4. Монголын морин спорт, уяачдын холбоо дэргэдээ “Эрдэмтдийн зөвлөл” байгуулан ажиллахаар болжээ. Тус зөвлөлийг дотроо Хүний хөгжлийн, Адууны хөгжлийн, Соёлын өвийн зөвлөл гэсэн нэгжүүдтэй байхаар шийдвэрлэжээ.
  5. Монголын морин спорт, уяачдын холбооны удирдах ажилтаны улсын “V” дугаар зөвлөгөөнийг 2019 оны 04 сарын 23-нд зохион байгуулахаар болжээ.
  6. Монголын морин спорт, уяачдын холбооны “VII” дугаар Их хурлаар шинэчлэн баталсан дүрэмд “Сахилгын зөвлөл”-тэй байхаар шийдвэрлэсэн бөгөөд үүний дагуу “Сахилгын зөвлөлийн журам”-ыг тэргүүлэгчдийн хурлаар хэлэлцүүлж саналын зөрүүтэй асуудал гарсан тул дараагийн хурлаар дахин хэлэлцүүлэхээр болжээ.

 

Санал болгох
ММСУХ-НЫ ТӨЛӨӨЛӨГЧИД ОЛОН УЛСЫН ХУРАЛД ОРОЛЦЛОО Бүгд Найрамдах Хятад Ард Улсын Адууны нийгэмлэг, Өвөрмонголын морин уралдааны холбоо, Шилийн гол аймгийн Ажил мэргэжлийн сургууль хамтран “Үндэсний уламжлал, морин уралдаан” Олон улсын эрдэм шинжилгээний хурлыг Өвөрмонголын өөртөө засах орны Шилийн гол аймагт энэ хавар зохион байгуулагдлаа
ММСУХ 21 аймаг, нийслэл хотод уяачдын зөвлөгөөн зохион байгуулна. ММСУХ нийслэл дүүрэг болон хөдөө орон нутагт ажиллаж амьдардаг уяачид, хурдан морины зүтгэлтнүүд, уралдаанч хүүхдүүд, хамтран ажилладаг байгууллага, иргэд, морь сонирхогчдын санал бодлыг сонсож тэдгээрийн дуу хоолой, санал зөвлөмжийг олон нийтэд хүргэх, холбооны бодлого үйл ажиллагаанд тусгаж ажиллах зорилгоор 2012 оноос эхлэн “Монгол уяач 3000” уяачдын Улсын зөвлөгөөнийг улс орон даяар зохион байгуулж байсан уламжлалтай.
Монгол Улсын Тод Манлай, Манлай , Алдарт уяачид шинээр төрөн гарлаа Монголын Морин Спорт Уяачдын холбоо , Улсын баяр наадмыг зохион байгуулах комиссоос өргөн мэдүүлсэн саналыг үндэслэн Монгол Улсын Ерөнхийлөгч Ц.Элбэгдорж ХYII жарны гал бичин жилийн босгон дээр зарлиг гаргаж олон жил хурдан морины уяа сойлго тааруулж улсын хэмжээний наадмуудаас түрүү, айраг авсан нэр бүхий уяачдад улсын цол хүртээлээ. Уяачдын цолыг Монгол Улсын Ерөнхийлөгч Ц.Элбэгдорж Төрийн ордонд гардуулан өгөв.