Мэдээ мэдээлэл

“Дүнжингарав-2013” хаврын төвийн бүсийн уралдаан

Могой жилийн анхны хаврын “Дүнжингарав-2013” уралдааныг Төв аймгийн нутаг Хүй долоон худгийн Цагаанхөтөлд 2013 оны 3-р сарын 3-ны өдөр боллоо.

Могой  жилийн анхны хаврын “Дүнжингарав-2013” уралдааныг Төв аймгийн нутаг Хүй долоон худгийн Цагаанхөтөлд 2013 оны 3-р сарын 3-ны өдөр болж, 4 насны хурдан хүлэг уралдаж, наадамчин түмэн  өргөн олноор оролцож  сайхан наадлаа.  “Дүнжингарав-2013” уралдаанд давхардсан тоогоор 800 орчим хүүхэд хурдан морь унаж уралдлаа. Хурдан морь унаач хүүхдийн гэнэтийн ослын даатгалыг ММСУХолбоо бүрэн хариуцаж, “Практикал”  даатгалын компанитай хамтарч ажиллав. Гэнэтийн ослын даатгал нь бүтэн жилийн хугацаанд хүчинтэй байхаас гадна, зөвхөн хурдан морь унахад биш бусад ахуйн осолд ч хамаарах даатгал юм.
Хурдан морь унаач хүүхэд бүрт өвлийн дулаан комбинзаныг үнэ төлбөргүйгээр өгөв. Энэ өвлийн дулаан комбизаныг  Өлзийт хороололын уяачдын ар гэр, эмэгтэйчүүдээр оёулав. Ингэснээрээ уяачдын ар гэрийг түр ч гэсэн ажлын байраар хангав.  Хурдан морь унаач хүүхдийн аюулгүй байдлыг хангахад хамгийн чухал зүйлийн нэг бол уралдааны зам юм.  “Дүнжингарав-2013” уралдааны хурдан морины замыг асуудлыг ММСУХолбоо онцгой анхаарч, цасыг нь хусах, гарааны төхөөрөмжийн өргөнийг 100-гаас 120 метрийн    өргөнтэй болгов. Гараанаас гарсан морьд 5 км орчим газар уралдаж байж зул задардаг гэдгийг бодолцож морины гараанаас 6-8 км газрын цасыг  150 метрийн өргөтөйгөөр хусаж цэвэрлэлээ. Ингэснээр уралдааны замд хурдан морь хальтрах, унаач хүүхэд ойчих, гэх мэтийн эрсдэлгүй болгов.  
Урьд өмнөх “Дүнжингарав” хаврын төвийн уралдаан Төв аймагт болдог байсан бол энэ жилийн “Дүнжингарав-2013” хаврын төвийн бүсийн уралдаан тог цахилгаангүй задгай цагаан газарт болов. Монголын Морин Спорт Уяачдын Холбоо, “Дүнжингарав-2013”  хаврын төвийн бүсийн уралдааны зохион байгуулалтанд оролцож байгаа байгууллага, хувь хүмүүсийн хүч хөдөлмөрөөр зохион байгуулалтыг өндөр түвшинд гүйцэтгэж ажиллав.  
Эрлийзийн дээд нас, азарга, соёолон 16 км, их насны морьд 18 кмт уралдав.

Төвийн бүсийн уралдааны хамгаалалтанд цагдаагийн 700 гаруй албан хаагч ажиллана ММСУХ-ноос энэ амралтын өдөр болох төвийн бүсийн уралдаантай холбогдуулан мэдээлэл хийлээ. Энэ удаагийн төвийн бүсийн уралдаан Засгийн газрын тогтоолын дагуу Хүйн долоон худагт зохион байгуулагдах бөгөөд их насны морьд  18, соёолон, эрлийз дунд ангиллын хүлгүүд 14 км зайд шандас сорих юм.
ГЕРМАН УЛСАД МОНГОЛ МОРИНЫ ЦОЛ ЦУУРАЙТЛАА Герман улсад болсон “Хипологика-2009” морины үзэсгэлэнд Монголчууд анх удаа оролцож, дэлхийн морьтонгуудтай хөөрөг зөрүүлж,морины соёл, хөгжлийн тухай, адуу эдлэх соёлын талаар  ном хаялцсан юм.
Хаврын уралдааны талаар ХЭҮК-т хандлаа Монголын морин спорт, уяачдын холбооны удирдлагууд Хүний эрхийн комиссын дарга Ж.Бямбадоржид хаврын уралдааныг зохион байгуулах тухай саналаа албан бичгээр хүргүүллээ.