Мэдээ мэдээлэл

"Дүнжингарав-2012" хаврын төвийн бүсийн уралдаан

Монголын Морин Спорт Уяачдын холбооноос зохион байгуулдаг хаврын төвийн бүсийн хурдан морины уралдаан 2012 оны 3-р сарын 3нд Төв аймгийн Зуунмод хотод болно.

2012/09/20

 "Дүнжингарав-2012" хаврын төвийн бүсийн уралдаанд 4 насны хурдан хүлгүүд уралдана. 
- Эрлийз морьдын дээд нас-16 км
-Азарга-16 км
-Их насны морь-18 км
-Соёолон-16 кмт тус тус уралдана. 

Нас бүрийг  даамал, дэд даамлууд хариуцаж  ажиллана.
Уралдах морьдын бүртгэлийг  2012 оны 3-р сарын 2 нд Монголын Морин Спорт Уяачдын холбооны байр,  Төв аймагт Хүнс Хөдөө аж ахуйн газарт  тус тус бүртгэнэ.
Хурдан морь унаач хүүхдийн даатгалыг "Соёмбо" даатгалын компани даатгана.
Даатгалыг Монголын Морин Спорт Уяачдын холбоо 100%  хариуцана. 
Бүртгэлийн хураамж 30.000 төгрөг  

Түрүүлж, айрагдсан морьдын 20 хүүхдийг Монголын Морин Спорт,Уяачдын Холбоо Монгол улсын Засгийн газрын хэрэгжүүлэгч агентлаг Хүүхдийн төлөө газартай хамтран “Найрамдал” олон улсын хүүхдийн амралтанд амрах эрхийн бичгээр шагнаж урамшуулна.

"Дүнжингарав-2012" хаврын төвийн бүсийн уралдаанд хамгийн өндөр амжилт үзүүлсэн шилдэг уяач, шилдэг хурдан морь унаач хүүхдийг шалгаруулна.

"Дүнжингарав-2012" хаврын төвийн бүсийн уралдаан бол мэдээлэл технологийн ололтыг нэвтрүүлсэн, ашигласан уралдаан болно. Хурдан морины уралдааныг  МҮОНРТ, UBS, ТВ-5, ТВ-9-ээр шууд дамжуулж үзэгчдэд хүргэнэ. 
Бүх аймгийн сонсогч түмэндээ ФМ-89,9 радиогоор хүргэнэ. 
Улаанбаатар хотын үзэгч түмэндээ  ФМ-97,5 радиогоор хүргэнэ. Морь барианы газарт байгаа үзэгчид машиныхаа фм-ээр хурдан морины уралдааны тайлбарыг сонсох боломжтой.  
Мөн интернетээр үзэгч олондоо хүргэхээс гадна, Морь барианы газарт IPНОNE, IPAD-тай үзэгчид хурдан морины уралдааныг чөлөөтөй үзэх боломжтой.
Хурдан морины уралдааныг  үзэхээр ирсэн үзэгчдийн тав тухтай байдлыг хангаж, барианы газарт чанга яригчыг байрлуулж, Морь барианы газарт гар утасны сүлжээг хангаж  ажиллана.  
Хурдан морь эргүүлэх гарааны төхөөрөмжийн өргөн нь  150 метр. Ингэснээрээ морьд нэг эгнээнд зогсож байгаад гараанаас гарч уралдана. Их насны морины гараанаас 8 км, азарга, соёолон, эрлийз морьдын дээд насны гараанаас 6 км газрыг  150 метрийн өргөнтөйгөөр цасыг нь хусаж, уралдааны замаа янзалсан.
Хүн мал эмнэлгийн яаралтай тусламжийн үйлчилгээ бэлэн байдалд ажиллана.  

 

Санал болгох
“Говь шанх-V" Говийн бүсийн уралдааны хурдан их насны уралдааны албан ёсны дэлгэрэнгүй цуваа 1. Өмнөговь аймгийн Даланзадгад сумын уугуул, Аймгийн Алдарт Уяач Бадамгаравын Бадраагийн “Төвгөр саарал” морийг уралдаанч хүү 13 настай Б.Алтантөгс унаж түрүүлгэлээ
Түрүү их насыг Land cruiser-200 автомашинаар байлж, унаач хүүхдийг нэг өрөө байраар шагналаа Түрүү магнайд хурдалсан Т.Галбадрахын хээр морины байны шагнал болох “Land cruiser” 200 маркийн төмөр хүлгийн түлхүүр болон уралдаанч хүү 9 настай Пүрэвбатд нэг өрөө байрны түлхүүрийг ММСУХ-ны ерөнхийлөгч Д.Хишигжаргал гардуулан өглөө. 
ММСУХ-ны 20 жилийн ойн баяр наадмын эрлийз доод насны албан ёсны цуваа Монгол Улсын Засгийн газрын тогтоолтой Монголын Спорт, Уяачдын Холбооны түүхт 20 жил, Дэлхийн дээд амжилт Гиннест бүртгүүлсний 2 жил, Уяачдын баяр наадмын хурдан эрлийз доод насны уралдаанд газар газрын шандаст хурдан 45 эрлийз доод нас уралдсан юм. Энэ жилийн Үндэсний их баяр наадам, Монгол Улсын Засгийн газрын тогтоолтой бүсийн хурдан морины уралдаанд түрүүлж, айрагдсан хурдан эрлийз доод насны морьд ирсэн байлаа.