Мэдээ мэдээлэл

Үндэсний их баяр наадам Азарганы уралдаан

Ардын хувьсгалын түүхт 90 жилийн ойн адуун сүргийн манлай хурдан азарга барианд орлоо. Азарганы уралдаанд эх орны өнцөг булан бүрээс цугларсан 370 гаруй шандаст хүлгүүд тоосоо өргөснөөс:

1. Сүхбаатар аймгийн Түмэнцогт сумын ААУяач Ө.Шинэтулгын уясан Хүсэлзулын зээрд. Зээрд азарга нь өнөө жил Мөнххаанд болсон Сүхбаатар аймгийн баруун бүсд түрүүлж байсан билээ.

2. Дундговь аймгийн Өлзийт сумын ААУяач Б.Наранхүүгийн хээр. Хээр азарга нь өнгөрсөн жил Дүнжингаравт айрагдаж, Хотгойдод түрүүлсэн бөгөөд өнөө жил Дүнжингаравт 6 настай хавчиг азарга айрагдаж, Нүүрэнтэйн их хурдад түрүүлсэн Төв аймгийн Сэргэлэн сумын Сүхбаатарын хээр азарга билээ.

3. Сүхбаатар аймгийн Дарьганга сумын МУАУяач Ч.Улааны зээрд

4. Төв аймгийн Өндөрширээт сумын уугуул Нийслэлийн ХУД-ийн уяач А.Отгонбаярын хилэн хар. Хар азарга өнгөрсөн жил Их хурдад аман хүзүүдэж, Хотгойдод түрүүлсэн билээ.

5. Төв аймгийн Баян сумын МУМУяач Д.Оюунбилэгийн уясан Баян сумын уяач Х.Цогтсайханы сүмбэн зээрд. Зээрд азарга нь өнгөрсөн жил улсад түрүүлж, Их хурдад айргийн гуравт хурдалсан түмэн эх билээ.

6. Дундговь аймгийн Өлзийт сумын ААУяач Б.Наранхүүгийн хүрэн

7. Төв аймгийн Баян сумын уяач Д.Мөнхцогийн Цоглог зээрд. Цоглог зээрд азарга нь өнгөрсөн жил улсын наадамд айрагдсан хурдан хүлэг бөгөөд МУМУяач Д.Оюунбилэг уяа сойлгийг нь тааруулдаг билээ.

8. Өвөрхагай аймгийн уяач Бямбасүрэнгийн зээрд

9. Өвөрхагай аймгийн Хайрхандулаан сумын МУТМУяач Э.Эрдэнэчулууны зээрд

10. Хөвсгөл аймгийн Тариалан сумын уяач Г.Батхуягийн халиун тус тус 1-10-д хурдаллаа.

 

Монголын Хамгийн Хурдан хүлэг шалгаруулах уралдаан-2016 Монголын Морин Спорт Уяачдын Холбооны түүхт 20 жилийн ойгоор Монголын хурдан морины уралдааны түүхэнд нэгэн шинэлэг уралдаан нэмэгдсэн нь ММСУХ-ны Ерөнхийлөгчийн нэрэмжит МОНГОЛЫН ХАМГИЙН ХУРДАН ХҮЛЭГ ШАЛГАРУУЛАХ уралдааныг жил бүр зохион байгуулахаар тогтсон билээ. Энэ жил “Монголын шигшмэл хурдан морьдын Иххурд-7 уралдаан” Гиннесийн дэлхийн дээд амжилт тогтоосны 3 жил, Монголын уяачдын баяр наадмын үеэр 2016 оны Монголын хамгийн хурдан хүлэг шалгаруулах уралдааныг албан ёсны хөтөлбөрт оруулж амжилттай зохион байгууллаа.
“Арвагар хээрийн хурд 2016” хангайн бүсийн хаврын уралдааны хурдан азарганы уралдааны албан ёсны цуваа 1.Өвөрхангай аймгийн Уянга сумын уугуул Т.Баттөрийн шарга азаргыг С. Тэмүүлэн хүү унаж түрүү магнайд хурдлууллаа
“Дүнжингарав-2015” Төвийн бүсийн уралдааны Эрлийз дээд насны бүртгэлийг үргэлжлүүлэн бүртгэж байна. Засгийн газрын тогтоолтой "Дүнжингарав-2015" хаврын төвийн бүсийн уралдааны эрлийз дээд насны морьдын бүртгэл өнөөдөр өглөө 09-12 цагийн хооронд Өлзийт хорооллын 59 дүгээр сургуульд явагдсан болно.