Мэдээ мэдээлэл

Монгол наадамд зөвхөн Монгол морьд уралдана.

2011 оны 2 дугаар сарын 23-ний ММСУХ-ны тэргүүлэгчдийн хуралдаанаар Монгол, Эрлийз морьдын уралдааны асуудлыг авч хэлэлцлээ

2011 оны 2 дугаар сарын 23-ний ММСУХ-ны тэргүүлэгчдийн хуралдаанаар Монгол, Эрлийз морьдын уралдааны асуудлыг авч хэлэлцлээ. Хурлыг ММСУХ-ны Ерөнхийлөгч, Монгол улсын шадар сайд  М.Энхболд даргалж эрлийз буюу 1, 2-р үеийн эрлийз морьдыг тусад нь уралдуулах саналыг ММСУХ-ны Ерөнхийлөгч өөрөө гаргаж тэргүүлэгчидэд танилцууллаа. 
2010 оны 5 сард ММСУХ-ны “Удирдах ажилтаны улсын анхдугаар зөвлөгөөн” хийж, энэ зөвлөгөөнөөс  эрлийз адууг Монгол адуунаас тусад уралдуулах тухай зөвлөмж гаргаж ММСУХ-ны тэргүүлэгч гишүүдэд хүргүүлсэн. Мөн ММСУХ-ны тэргүүлэгчдийн хурлаар эрлийз адууг Монгол адуунаас тусад уралдуулах тухай саналыг хоёр удаа авч хэлэлцэж байсан. 2011 оны 1 дүгээр сард  Бүх  аймгуудын салбарт холбоодоос Эрлийз, Монгол морьдыг хэрхэн уралдуулах тухай санал авахад 20 аймаг саналаа өгснөөс 19 аймгийн уяачид Эрлийз адууг Монгол адуунаас тусад нь уралдуулах саналаа албан ёсоор өгсөн байв. Зөвхөн Орхон аймгийн уяачид хамтад нь уралдуулах санал өгсөн байна. ММСУХ-ны Ерөнхийлөгч М.Энхболд Монгол морьдыг, Эрлийз морьдоос тусад нь уралдуулах саналыг тэргүүлэгчдийн хуралдаанд оруулж ММСУХ-ноос эрлийз морьдыг , монгол морьдоос тусад нь уралдуулах шийдвэр гаргалаа. Энэ зунаас эхлэн Үндэсний их баяр наадамд зөвхөн монгол морьд уралдах бөгөөд эрлийз морьд 7 дугаар сарын 13-ны өдөр тусдаа уралдах юм байна. Бүсийн уралдаануудын хувьд тухайн аймгийн ЗДТГ, ИТХ, Морин Спорт Уяачдын Холбоо өөрсдөө шийдэх боломжийг олголоо. ММСУХ энэ асуудлыг  олон талаас нь анхааралтай авч судлан Монгол улсын бүх аймаг, сум, дүүрэг дэхь салбарууд, ММСУХ-ны тэргүүлэгч гишүүд, уяачид, хурдан морины зүтгэлтнүүд, морь сонирхогчид, үзэгч олон түмнийхээ санал хүсэлтийг үндэслэн  энэхүү шийдвэрийг  гаргалаа.

Увс аймаг байгуулагдсаны түүхт 90 жилийн ой , Баруун бүсийн хурдан их насны уралдааны албан ёсны цуваа 1.Төв аймгийн Жаргалант сумын уугуул Б.Гантөмөрийн сартай зээрд морийг уралдаанч хүү С.Төгөлдөр унаж түрүү магнайд хурдлууллаа
Зүүн, Төв, Хангай, Баруун бүсийн хурдан морины уралдаан 7-р сарын 29,30-ны өдрүүдэд болно. Монгол улсын Засгийн газрын тогтоолоор Зүүн бүсийн хурдан морины уралдаан Дорноговь аймагт, “Говь-Шанх-IV” Төвийн бүсийн уралдаан Өмнөговь аймагт, “Тамирын хурд” Хангайн бүсийн уралдаан Архангай аймагт, Баруун бүсийн хурдан морины уралдаан Увс аймагт 2011 оны 7-р сарын 29,30-ны өдрүүдэд болно.