Мэдээ мэдээлэл

ТАВАНТОЛГОЙ ХК-ИЙН 50 ЖИЛИЙН ОЙ “ГОВИЙН БҮСИЙН ХУРД 2016 “ УРАЛДААН АМЖИЛТТАЙ ЗОХИОН БАЙГУУЛАГДЛАА

Монголын Морин Спорт Уяачдын Холбооноос оруулсан саналын дагуу Монгол Улсын Засгын Газрын 2016 оны 2 дугаар сарын 8-ны өдрийн 91 дүгээр тогтоолоор Говийн бүсийн уралдааныг Өмнөговь аймагт зохион байгуулахаар болж 7 сарын 29-31 өдрүүдэд Тавантолгой ХК-ийн түүхт 50 жилийн ойн баяр наадмын үйл ажиллагаатай хамтатган Өмнөговь аймгийн Цогццэций сум буюу алдарт Говь шанхын хурдны өлгий нутагт амжилттай зохион байгууллаа

Монголын Морин Спорт Уяачдын Холбооноос Тэргүүн дэд Ерөнхийлөгч Дашзэвгийн Дагвадорж, тэргүүлэгч гишүүн Дундговь аймгийн “Нарны хүлэг” МСУХ-ны тэргүүн Цэвэлсодномын Ганхүү, Өмнөговь аймгийн “Өмнийн говийн хүлэг” МСУХ-ны тэргүүн Хүүгийн Түмэнбаяр нар хурдан морины салбар хорооны үйл ажиллагаанд хяналт тавьж ажиллаа.

Баяр наадмын хурдан морины комиссын даргаар Тавантолгой ХК-ийн ТУЗ-ын гишүүн Ц.Мөнхдэлгэр, дэд даргаар Тавантолгой ХК-ийн инежнер З.Эрдэнэбаяр,  нарийн бичгийн даргаар Орон нутаг хариуцсан төлөөлөгч Б.Тогтох нар томилогдон Зэвсэгт хүчний 167 дугаар анги, Өмнөговь аймгийн цагдаагийн газар, Мэргэжлийн хяналтын газар, Хүүхэд гэр бүлийн хөгжлийн хэлтэс, Өмнөговь аймгийн онцгой байдал, Өмнөговь аймгийн ХХААГ, Цогтцэций сумын сум дундын эмнэлэг зэрэг төрийн байгууллагуудын албан хаагчдаас бүрдсэн  25 гишүүнтэй үндсэн комисс ажиллав. Мөн цэвэр цусны болон эрлийз морьдыг ангилах дэд комиссын даргаар Цогтцэций сумын тамгийн газрын ларга Х.Батдэлгэр томилогдон 6 гишүүнтэй нас насны даамлуудын хамт үйл ажиллагаа явууллаа. Энэ удаагийн баяр наадмыг төрийн холбогдох байгууллагууд, Морин спорт уяачдын холбоо, тэргүүлэгчдээс бүрдсэн 45 хүн оролцож зохион байгуулж явууллаа.

Хурдан морь зохион байгуулах комисс хэсэг баяр наадмын хурдан морины уралдаанаас өмнө 4 удаа, баяр наадмын үеэр 3 удаа хуралдаж тодорхой асуудлуудыг шийдвэрлэж, тухай бүр протокол хөтлөн шийдвэр гаргаж ажилласан болно.

Баяр наадмын бэлтгэл ажлын  хүрээнд хурдан морь уралдах зам, замын чиглэлийг тогтоох, зам дагуух айлууд нүүлгэж комиссын дарга Ц.Мөнхдэлгэр, нарийн бичгийн дарга Б.Тогтох  нар 2-3 удаа холбогдох гишүүдийн хамт морин уралдааны замд ажилласан болно.

            Хурдан морьдын уралдааны зохион байгуулалтын талаар: Тавантолгой ХК-ийн 50 жил Говийн бүсийн хурд 2016 баяр наадмаар нийт 9 насны морьдын уралдааныг 2016 оны 07 дугаар сарын 29, 30,31-ний өдрүүдэд зохион явууллаа.

07 дугаар сарын 29-ний өдөр эрлийз дээд, эрлийз дунд, эрлийз бага насны морьдын уралдаан, 7 дугаар сарын 30-ны өдөр азарга, соёолон, хязалан, даага насны морьдын уралдаан,  7 дугаар сарын 31-ний өдөр их нас, шүдлэн насны уралдаан зэрэг зохион байгуулав.

1. Эрлийз дээд нас                 (21 км)

2. Эрлийз дунд нас                (14 км)

3. Эрлийз бага нас                 (11 км)

4. Азарга                                 (21 км)

5. Их нас                                 (24 км)

6. Соёолон                              (21 км)

7. Хязаалан                             (17 км)

8. Шүдлэн                               (14 км)

9. Даага                                   (11 км) 

Тавантолгой ХК-ийн 50 жилийн ой, Говийн бүсийн хурд 2016 хурдан морины уралдаанд Өмнөговь, Дундговь, Сүхбаатар, Дорноговь, Завхан, Ховд, Говь-Алтай, Төв, Өвөрхангай, Говьсүмбэр, Архангай, Дорнод, Увс, Хэнтий зэрэг 14 аймгийн 600 гаран хүлэг тоосоо өргөлөө.

Уралдаанд МУ-ын тод манлай уяач Д.Бат-Эрдэнэ, Д.Дагвадорж, А.Батсүх, С.Ганхуяг МУ-ын манлай уяач Д.Эрдэнэчулуун, Н.Хүрлээ, Б.Далай, Б.Өлзий МУ-ын алдарт уяач Б.Баярсайхан, Д.Цогтбаяр Т.Батзориг, Г.Мөнхсайхан зэрэг улс аймгийн алдар цолтой эрхэм уяачид ирж наадам өргөн дэлгэр сайхан боллоо. Хурдан морины уралдааны зохион байгуулалтыг сайтар ханган ажилласны үр дүнд хүүхэд унаж гэмтэх, морь бэртэх, дутуу эргэх зэрэг ямар нэгэн зөрчил дутагдал гомдол гарсангүй. Хурдан морины унаач хүүхдийн аюулгүй байдал, хамгаалалтын хувцасны иж бүрдлийг ханган ажиллав. Уралдааны замд 2 хүүхэд мориноос унасан бөгөөд ямар нэгэн  хүндэл гараагүй болно. Хурдан морины уралдаан зохион байгуулах комисс хурдан морьдын уралдааны үеэр 4 өргөдөл гомдлыг хүлээн авч шуурхай хуралдан асуудлыг газар дээр нь шийдвэрлэж ажиллав

Тэртээх 1966 оноос үйл ажиллагаагаа эхлүүлж байсан ууган уурхай Тавантолгой ХК-ийн түүхт 50 жилийн ойн баяр наадамд 128 бөх зодоглож Шинэхэн Аварга Ч.Санжаадамба, Улсын заан начингууд болон газар газрын хүчитнүүд эр бяр, авхаалж самбаагаа сорин барилдаж, 90 гаруй Улсын алдар цолтой мэргэн харваачид нь цэц мэргэнээ шалгаж, Шагайн харваачидын оноо мэргэн, уухай цээлээ шалгаж, Хүндэт зочид хуран цуглан, нутгийн зон олны магнайг тэнийлгэсэн сайхан наадам боллоо.

БАРУУН БҮСИЙН “МОНГОЛ УЯАЧ-3000” ЗӨВЛӨЛГӨӨНИЙГ ГОВЬ-АЛТАЙ АЙМАГТ ЗОХИОН БАЙГУУЛЛАА. Говь-Алтай, Завхан, Ховд аймгийн МСУХолбоодыг батламжилж, сүүлийн жилүүдэд санаачилж, хэрэгжүүлсэн ажил, цаашид хийх ажлын төлөвлөгөөний талаар мэдээлэл хийсэн юм.
Тавантолгой ХК-ийн түүхт 50 жилийн ой “ГОВИЙН БҮСИЙН ХУРД-2016” уралдааны хурдан соёолонгийн албан ёсны цуваа 1.Өмнөговь аймгийн Цогтцэций сумын уугуул Аймгийн Алдарт Уяач Наранцэцэгийн Амгалангийн хээр үрээг уралдаанч хүү Гансүхийн Энхболд унаж түрүү магнайд хурдлууллаа
Очирваанийн хурд-2009 Баруун бүсийн уралдаан Монгол төрийн их шүтээн Очирваань бурхан заларсан Отгонтэнгэр уулаа сүлдлэн дээдэлсэн Завхан аймгийн Тэлмэн сумын нутаг “Хүрэн тал” гэдэг газар зохиогдсон “Очирваанийн хурд-2009” баруун бүсийн хурдан морины уралдаан ёслол төгөлдөр сайхан болж өнгөрлөө. Энэ уралдаанд Монгол орны дөрвөн зүг найман зовхисоос ирсэн газар газрын олон сайхан алтан тууртууд тоосоо өргөсөн байна.