Мэдээ мэдээлэл

МОБИКОМ КОРПОРАЦИ “ИХ ХУРД-IX” УРАЛДААН НААДМЫГ ДЭМЖИЖ ОРОЛЦОХОО ИЛЭРХИЙЛЛЭЭ.

ММСУХ

Мобиком корпорацийн Ерөнхий захирал Тацуяа Хамада Монголын морин спорт, уяачдын холбооны Ерөнхийлөгч Ц.Батсайхан, Ажлын албаны дарга Б.Батбаатар нарыг 2021 оны 12 дугаар сарын 23-ний өдөр корпораци дээрээ  хүлээн авч уулзлаа.

Уулзалтын үеэр Мобиком корпорацийн Ерөнхий захирал Тацуяа Хамада Монгол Улсын Засгийн газрын  шийдвэрээр гурван жил тутамд 1 удуу зохион байгуулдаг шигшмэл хурдан морьдыг шалгаруулах их хурд уралдаан, наадмыг өмнөх уламжлалын дагуу дэмжиж хамтран ажиллахаа илэрхийлж,  уралдаан наадмын шууд дамжуулалтыг 5G сүлжээ ашиглан, техник технологийн шинэ шийдлээр олон нийтэд хүргэж хамтран ажиллахаа давхар илэрхийллээ.

Монголын морин спорт, уяачдын холбооны Ерөнхийлөгч Ц.Батсайхан холбооныхоо бодлого үйл ажиллагаа, 2022 онд зохион байгуулагдах шигшмэл хурдан морьдын “Их хурд-IX” уралдааныг Монгол туургатны морьтны өв соёлын наадам болгон өргөн дэлгэр зохион байгуулахаар холбоо төлөвлөн ажиллаж байгаа илэрхийлээд Монгол үндэсний их өв соёлын цөм Морьтны өв соёлыг дэмжиж байгаа Мобиком корпорацид Монголынхоо нийт уяачдын өмнөөс баярласанаа илэрхийллээ.

Уулзалтын үеэр хоёр тал дээрх хамтын ажиллагаагаа хэрэгжүүлэх зорилгоор хамтарсан ажлын хэсэг байгуулж ажиллахаар боллоо.

 

Ардын хувьсгалын 91 жилийн ой Үндэсний их баяр наадам их насны уралдаан Их насны морьдын уралдаанд 419 хурдан ажнай гарааны зурхайнаас нэгэн зэрэг эргэж 25 км замыг туулж уралдлаа.
МОРЬТОН МОНГОЛЧУУД ГЕННИСИЙН НОМЫН ТУСГАЙ ДУГААРТ АМЖИЛТАА ДУУРСГАЛАА Тэртээ 1955 оноос хойш дэлхий дахинаа болж буй гайхалтай шинэ шинэлэг  бүхнийг бүртгэж, түүхэн чухал үйл явцыг баримтжуулан баталгаажуулдаг газар бол дэлхийн геннисийн байгууллага юм. Геннисийн байгууллага түүхэн амжилтын 60 жилийн ойн тусгай ном хэвлэгдэн гарсан бөгөөд  Монгол түмний үзүүлсэн морьтны их жагсаал, үндэсний хурдан морины уралдаан багтсан байна.  
Тавантолгой ХК-ийн түүхт 50 жилийн ой “ГОВИЙН БҮСИЙН ХУРД-2016” уралдааны хурдан эрлийз дээд насны албан ёсны цуваа 1 Завхан аймгийн Түдэвтэй сумын уугуул, Аймгийн Алдарт Уяач Гомбожавын Баярцогтын Өсгий цагаан зээрд морийг уралдаанч хүү Цэрэндондовын Отгонбаатар түрүү магнайд хурдлууллаа