Мэдээ мэдээлэл

МОРЬТОН МОНГОЛЧУУД ШАГНАЛЫН ХУРТАЙ БАЙНА.

ММСУХ-ны Дэд ерөнхийлөгч Ө.Пүрэвбаатар "Аж үйлдвэрийн гавьяат ажилтан"боллоо.

2021/05/27

Архангай аймгийн Төвшрүүлэх сумын уугуул, "Хөх чоно" группийн Ерөнхийлөгч, ММСУХ-ны дэд Ерөнхийлөгч, Тод манлай уяач Өлзийхутагийн Пүрэвбаатар Монгол Улсын Ерөнхийлөгчийн зарлигаар хөдөлмөр бүтээлээ үнэлүүлж "АЖ ҮЙЛДВЭРИЙН ГАВЬЯАТ АЖИЛТАН" цол хүртэж цаг цагийн цуут хурдан хүлгүүдийн алтан тоосонд  Монголынхоо их уяан дээр нөхөрлөж яваа мянга мянган уяачид маань бүгд магнай тэнийн баярлаж байна.
Олон түмнийхээ дунд  алдар нь дуурссан Өлзийхутагийн Пүрэвбаатар бол Монголынхоо хөгжил дэвшил мандал бадралын төлөө сэтгэл оюунаа зориулахын зэрэгцээ хурдан морины үйл хэргийн төлөө бүхий л амьдралаа хоёргүй сэтгэлээр зориулж яваа  юм.

Уяан дээр нь эрдэнэт хүлгүүд нь амгай тэнийтэл эвшээсэн монголын  айл бүхний гэгээн хийморь, түмэн олны тань их хайр хүндэтгэл  таныг болон танай удмынхныг өнө мөнхөд ивээж байхыг Монголынхоо мянга мянган уяачдынхаа хамтаар ерөөл өргөн баяр хүргэе.

МОНГОЛЫН МОРИН СПОРТ, УЯАЧДЫН ХОЛБООНЫ ЕРӨНХИЙЛӨГЧ Ц.БАТСАЙХАН
ЕРӨНХИЙ НАРИЙН БИЧГИЙН ДАРГА Ч.ХИШИГБААТАР

Санал болгох
Дорнод аймагт зохиогдсон Зүүн бүсийн хурдан морьдын уралдааны тухай мэдээлэл МУ-ын Засгийн газрын шийдвэрээр зохиогддог хурдан морьдын бүсийн урадааны нэг Зүүн бүсийн хурдан морьдын уралдааныг Дорнод аймгийн Чойбалсан хотод 2009 оны 7 сарын 25-26 өдрүүдэд ММСУХолбоо, Орон нутгийн засаг захирагаатай хамтран Дорнодын Их хурд-2009 нэртэйгээр зохион явууллаа. Газар газараас ирсэн зургаан насний нийт 2000 гаруй хурдан хүлгүүд тоосоо өргөсөн том наадам болж өнгөрлөө.
Хурдан морины зүтгэлтэнд олгодог “АЛТАН МОРЬ” шагналыг Дашзэвэгийн Дагвадорж, Пүрэвийн Мэндбаяр нарт олгов. ММСУХ-ны бодлого, үйл ажиллагааны хүрээнд амжилттай ажиллаж, Монголын их өв соёл хурдан морины уралдааны түүхэнд гавьяа байгуулсан байгууллага, хурдан морины зүтгэлтэнд олгодог “АЛТАН МОРЬ” шагналыг монголын хурдан морины үйл хэргийг харамгүй сайхан сэтгэлээр ивээн тэтгэж ирсэн хурдан морины зүтгэлтэн Дашзэвэгийн Дагвадорж, Пүрэвийн Мэндбаяр нарт олгохоор ММСУХ шийдвэрлэжээ.
Эрдэнэт хотын 40 жилийн ой “Эрдэнэт хурд-2016”хангайн бүсийн уралдааны хурдан хязаалангийн албан ёсны цуваа 1.Дундговь аймгийн Луус сумын уугуул Монгол Улсын Алдарт Уяач Сэрээгийн Шинэбаатарийн Хар үрээг 11 настай уралдаанч хүү У.Энхжаргал унаж түрүү магнайд хурдлууллаа