Мэдээ мэдээлэл

“Их хурд 8” азарганы уралдаанд Баасансүрэнгийн Нямжавын улаан хээр Түрүү магнайд хурдаллаа

Гурван жил тутам Засгийн газрын тогтоолоор зохион байгуулагддаг “Шигшмэл хурдан морьдын “Их Хурд-8” уралдаан  азарганы уралдаанаар эхэллээ.

2019/07/20

Гурван жил тутам Засгийн газрын тогтоолоор зохион байгуулагддаг “Шигшмэл хурдан морьдын “Их Хурд-8” уралдаан  азарганы уралдаанаар эхэллээ.

Азарганы уралдаанд бүртгүүлсэн 49 хүлгээс 46 нь гарааны зурхайгаас хөдөлсөн бөгөөд айргийн тавд дараах уяачдын хурдан хүлгүүд хурдалсан.

1. Төв аймгийн Баян сумын харъяат Баасансүрэнгийн Нямжавын улаан хээр Түрүү магнай
2. Дорнод аймгийн Баянтүмэн сумын харъяат Монгол улсын тод манлай уяач  О.Батбилэгийн хүхээ халзан Аман хүзүү
3. Сэлэнгэ аймгийн Баянгол сумын харъяат Т.Төрмөнхийн буурал Айргийн гурав
4. Өмнөговь аймгийн Хүрмэн сумын харъяат Монгол улсын тод манлай уяач Д.Бат-Эрдэнийн цавьдар Айргийн дөрөв
5. Хөвсгөл аймгийн Цагаан-Уул сумын харъяат  Аймгийн алдарт уяач Д.Ганхуягийн  хээр айргийн тавд тус тус  хурдалж торгон жолоо өргөж, уралдаан ёслол төгөлдөр, өргөн дэлгэр, морь хүүхэд мэнд сайхан болж өндөрлөлөө.

Санал болгох
Төвийн бүсийн уралдааны хамгаалалтанд цагдаагийн 700 гаруй албан хаагч ажиллана ММСУХ-ноос энэ амралтын өдөр болох төвийн бүсийн уралдаантай холбогдуулан мэдээлэл хийлээ. Энэ удаагийн төвийн бүсийн уралдаан Засгийн газрын тогтоолын дагуу Хүйн долоон худагт зохион байгуулагдах бөгөөд их насны морьд  18, соёолон, эрлийз дунд ангиллын хүлгүүд 14 км зайд шандас сорих юм.
Төвийн бүсийн хурдан морины уралдаан болж өндөрлөлөө Монголын морин спорт уяачдын холбооноос зохион байгуулж буй Г.Пунцагбалжир агсны нэрэмжит Төвийн бүсийн хурдан морины уралдаан  Хүй долоон худагт өнөөдөр болж өндөрлөлөө. Энэ удаагийн төвийн бүсийн уралдаан Засгийн газрын тогтоолын дагуу зохион байгуулагдаж байгаа бөгөөд их насны морьд 18, соёолон, эрлийз дунд насны хурдан хүлгүүд 14 км-ийн зайнд уралдсан юм.
ММСУХ Дэлхийн Үндэсний Спортын Холбоонд гишүүнээр элслээ Монголын Морин Спорт Уяачдын Холбоо гадаад харилцаагаа бэхжүүлэх, тэлэх бодлогыг баримталсаар ирсэн. Энэхүү бодлогын хүрээнд Азийн болон Дэлхийн морин уралдааны холбоонд гишүүнээр элсэж байсан бол өнөө жилээс Дэлхийн үндэсний спортын холбоонд харьяалагдахаар болжээ.