Мэдээ мэдээлэл

2000 Гиней Стейкс-т Макфи түрүүллээ

Английн Гурван Титмийн эхний уралдаан болох 2000 Гиней Стейкс боллоо.

Өнгөрсөн бямба гаригт алдарт Кентаки Дерби-тэй зэрэгцэн хурдан морины ертөнцийн өөр нэгэн дээд зэрэглэлийн уралдаан болсон нь Английн Гурван Титмийн эхний уралдаан болох 2000 Гиней Стейкс байлаа.


Энэ жил 202 дахь удаагаа зохиогдож байгаа 2000 Гиней Стейкс нь дэлхийн хамгийн эртний түүхтэй, алдартай уралдааны нэг билээ.


Энэ удаагийн уралдаан маш сонирхолтой болж, барианд ойрхон иртэл ямар ч адуу өнгөнд гарч, тасарч чадаагүй юм. Харин Францад уягддаг Макфи хэмээх хээр үрээ үзүүрийн уралдаанаа маш сайн хийж, барианы ойрхон ирээд бүтэн биеээр салж түрүүллээ. Энэ үрээг түрүүлнэ гэж төдий олон хүн тааварлаагүй байв. Түүнд 33 хүн тутмын 1 нь бооцоо тавьсан байжээ.

 

Түрүү хүлгийн тааврыг он гарснаас хойш л өнгөлж байсан Сент Никлэс Аббеу 6-д хурдалсан байна. Өнгөрсөн оны Европын шилдэг шүдлэн адуугаар шалгарч байсан түүнд 6 хүн тутмын 5 нь бооцоогоо даатгасан байжээ.


Нийт 19 үрээ уралдсанаас Дик Терпин аман хүзүүнд, Кенфорд Клифс гуравт тус тус хурдалсан байна. Өнгөрсөн жилийн 2000 Гиней Стейкс-т алдарт Тэнгисийн Одод түрүүлж байсан юм.

 

2000 Гиней Стейкс-г Монгол Жоки Клубын Англи дахь төлөөлөгч С.Сандагдорж үзэж сонирхсон бөгөөд энэ үеээрээ “London Thoroughbred Service” Ltd-н эзэн James Wigan зэрэг албаны хүмүүстэй уулзаж, ажил хэргийн холбоо тогтоосон байна.


Английн Гурван Титмийн дараагийн уралдаан болох Эпсом Дерби 6 дугаар сарын 5-ны өдөр болно. Эпсом Дерби-д Макфи амжилтаа бататгаж чадах уу, эсвэл Сент Никлэс Аббеу даагаа нэхэж чадах уу гэдэг нь тус уралдааныг улам сонирхолтой болгох биз ээ.


2000 Гиней Стейкс нь 1.6 км-н зайд уралддаг бол Эпсом Дерби нь 2.4 км-н зайд болдог юм.

"Бөртэ чоно-2019" цомын эзэн боллоо. Монголын спортын салбарын оны шилдгүүдийг тодруулах, Монголын үндэсний олимпийн хорооны Тэргүүн дээд шагнал гардуулах "Бөртэ Чоно 2019" ёслолын ажиллагаа 2019.12.13-ны өдөр "Корпорейт-2" зочид буудлын Концертын их танхимд зохион байгуулагдлаа.
Хурдан морины уралдаан хуулийн хүрээнд явагдах ёстой Монгол улсын Засгийн газрын 119 тоот тогтоол болон Монголын “хурдан морины уралдаан “-ы дүрмийн 4,7 р хэсэгт заасны дагуу намрын дунд сарын 17-ноос хаврын тэргүүн сарын шинийн гурван хүртэл Монгол улсын нутаг дэвсгэрт хурдан морины уралдааныг зохион байгуулахыг хориглосон байдаг.
“Сэцэнханы хурд-2016” зүүн бүсийн уралдааны хурдан хязаалангийн албан ёсны цуваа 1.Сүхбаатар аймгийн Дарьганга сумын уугуул Г.Доржцэрэнгийн Хонгор халзан үрээг уралдаанч хүү Мөнгөнсүх унаж түрүү магнайд хурдлууллаа