ММСУХ ӨӨРИЙН ГИШҮҮД, УЯАЧИДАА БҮРТГЭЖ ЭНГЭРИЙН ТЭМДЭГ, ҮНЭМЛЭХ ОЛГОЖ ЭХЭЛЛЭЭ
ММСУХ-ны гишүүд, уяачид ММСУХ-ны лого бүхий цул мөнгөн энгэрийн тэмдэг, ММСУХ-ны ерөнхийлөгч М.Энхболдын гарын үсэгтэй гишүүний үнэмлэхтэй байна.
Монгол улсын бүх хот, аймаг, сум, дүүрэгт оршин суудагМонголын морин спорт, уяачдын холбооний гишүүд, уяачдаа бүртгэж энгэрийн тэмдэг, гишүүний үнэмлэх олгох ажлыг ММСУХ-ны төв болон салбар холбоо хамтран зохион байгуулж эхлээд байна. ММСУХ өөрийн гишүүд, уяачдаа бүртгэж холбооний мэдээлийн нэгдсэн санд авснаар гишүүд уяачдын эрх ашгыг хамгаалах, тэдний хөдөлмөрийг үнэлэх, сурталчилан таниулах, уяачид болон төв, салбар холбоод нягт хамтран ажиллах, холбоод гишүүд, уяачдынхаа санал хүсэлтийг сонсож холбооны үйл ажиллагаанд тусгаж ажиллах, гишүүд уяачидтай амьд харилцаа бий болгон шуурхай харилцан хамтран ажиллах боломж нээгдэх юм.