Мэдээ мэдээлэл
ММСУХ-ны тэргүүлэгчдийн 2009 оны отгон хуралдаан боллоо.
Монголын Үндэсний Олимпийн хорооны хурлын байранд ММСУХ-ны тэргүүлэгчдийн 2009 оны отгон хуралдаан 2009-12-22 ны өдөр 16 цагт хуралдлаа.
Хуралдаанаар:
- 2010 онд болох Бүсийн уралдаануудыг хамтран зохион байгуулах аймаг,хотуудыг хэлэлцэн тодруулах
- “Хурдан моринд цол олгох” журмыг батлах
- “Уяачдыг улсын цолд өргөн мэдүүлэх журам” –д нэмэлт өөрчлөлт оруулах
- ММСУХ-ны гишүүд уяачдыг бүртгэн энгэрийн тэмдэг ,үнэмлэхтэй болгох ажлыг зохион байгуулах тухай
- ММСУХ-ны дэргэд Уяачид,унаач хүүхэд,хурдан морьдийн чансааг тогтоох Рейтингийн зөвлөл байгуулан ажиллуулах тухай
- ММСУХ-оос 2010 оныг салбар холбоодын үйл ажиллагааг сайжруулах , хөгжүүлэх ажлын жил болгон зарлах тухай
- 2009 онд болсон бүсийн уралдаануудын тухай, цаашид Бүсийн уралдааны зохион байгуулалтыг сайжруулах арга хэмжээны төлөвлөгөөг хэлэлцэх
- ММСУХ-ны 2009 оны ажлын тайлан гэх мэт асуудлуудыг хэлэлцэн шийдвэрлэжээ
Мөн хуралдаанаар сүүлийн 10-аад жил гоц хурданаа гайхуулж хосгүй амжилт үзүүлж байгаа Монгол улсын тод манлай уяач Э.Эрдэнэчулууны уясан Мон-Уран компаний Наранхүүгийн хурдан шарга азарганд онцгой хүндэтгэлтэй цол олгох асуудлыг 2010 онй 1 сард болох тэргүүлэгчдын хуралдаанаар хэлэлцэн шийдвэрлэхээр тогтов.
ММСУХ-ны тэргүүлэгчдийн хуралдаанаас холбооны 2009 оны ажлын тайланг хэлэлцээд бүрэн хангалттай гэж дүгнэв.
