Мэдээ мэдээлэл

2020 ОНЫ ШИЛДЭГ, ШИЛДЭГИЙН ШИЛДЭГ АЙМГИЙН САЛБАР ХОЛБООД

2020 ОНЫ ШИЛДЭГ, ШИЛДЭГИЙН ШИЛДЭГ АЙМГИЙН САЛБАР ХОЛБООДЫН ШАГНАЛЫГ ГАРДУУЛАН ӨГЛӨӨ.

2022/01/25

ММСУХолбоо 21 аймгийн салбар холбоодоос "ШИЛДЭГ АЙМГИЙН САЛБАР ХОЛБОО", ШИЛДЭГИЙН ШИЛДЭГ АЙМГИЙН САЛБАР ХОЛБОО"-г жил бүр шалгаруулж цагаан сарын баяраар шагналыг олгодог уламжлалтай билээ. ММСУХ-ны тэргүүлэгчдийн 2021 оны 02 дугаар  сарын 04-ний өдрийн 1/04 дугаар тогтоолоор шилдэг, шилдэгийн шилдэг аймгийн салбар холбоодоо шалгаруулж, шагналыг 2022 оны 01 дүгээр сарын 24-ний өдөр төв холбоон дээрээ гардуулан өглөө. 

1. Шилдэгийн шилдэг аймгийн салбар холбоогоор Жадамбын Бат-Эрдэнэ тэргүүнтэй "Булганхангай"МСУХолбоо

1. Шилдэг аймгийн салбар холбоогоор Сандагийн Магнайсүрэн тэргүүнтэй Говь-Алтай аймгийн "Алтайн хүлэг" МСУХолбоо

2. Шилдэг аймгийн салбар холбоогоор Чулуунбатын Сарангэрэл тэргүүнтэй Төв аймгийн морин спорт, уяачдын холбоо

2020 оны шилдэг болон шилдэгийн шилдэг аймгийн салбар холбоогоор шалгарч, шагнагдсан салбар холбоодын  тэргүүн, нарийн бичгийн дарга, тэргүүлэгч гишүүд болон нийт уяачидад нь Монголынхоо мянга мянган уяачдынхаа хамтаар халуун баяр хүргэж, цаашдынх нь ажилд амжилт хүсье. Та бүхнийг морины босоо цагаан хийморь өнө мөнхөд ивээх болтугай.

 

МОНГОЛЫН МОРИН СПОРТ, УЯАЧДЫН ХОЛБООНЫ АЖЛЫН АЛБА

 

Санал болгох
“Говь шанхын хурд-5” говийн бүсийн хурд-2015 уралдаан Өмнөговь аймгийн Даланзадгад хотноо амжилттай зохион байгуулагдлаа Монголын морин спорт, уяачдын холбооны Тэргүүлэгчдийн хурлын 2015 оны 01 дүгээр сарын 15-ны өдрийн 15/02 дугаар тогтоолоор түүхт 20 жилийн ой, болон 5 бүсийн уралдаанаа товлон, Засгийн газарт 2015 оны 01 дүгээр сарын 20-ны өдрийн 15/04 тоот албан бичгээр хүсэлт тавьж, Засгийн газрын 2015 оны 02 дугаар сарын 2-ны өдрийн 33 дугаар тогтоолоор Говийн бүсийн зуны хурдан морины уралдааныг 07 дугаар сарын 25-26-ны өдрүүдэд Өмнөговь аймагт зохион байгуулах шийдвэр гарсан билээ.
Монголын морин спорт, уяачдын холбооны Тэргүүлэгчдийн Анхдугаар хуралдаан болж оны шилдгүүдээ тодрууллаа. Монголын морин спорт, уяачдын холбооны Тэргүүлэгчдийн 2015 оны Анхдугаар хуралдаан 1 дүгээр сарын 15-ны өдөр Монголын үндэсний Олимпийн хорооны хурлын танхимд зохион байгуулагдлаа.
Хурдан морь унаач хүүхдүүд стандартын хамгаалалтын малгай хэрэглэлтэй уралдна Дэнж хотойтол наадах монгол наадамдаа монгол түмэн даяараа эсэн мэнд сайхан наадахын төлөө юун түрүүн хурдан морь унаач хүүхдүүдийн аюулгүй байдлыг хангаж наадах нь зүй ёсны хэрэг билээ. Хурдан морь унаач хүүхдүүдийн аюулгүй байдлыг хангаж ажиллахын тулд Стандарчлалын үндэсний зөвлөлөөс 2011 оны 6-р сарын 23-ны 28 тоот тушаалаар баталсан стандартын хамгаалалтын хувцас хэрэглэлээр хангах явдал юм.