Монголын Морин Спорт Уяачдын Холбооны 25 жилийн ойг тохиолдуулан орон нутгийн салбар холбоод, гишүүд уяачидтайгаа хийх нэгдсэн уулзалтыг улс орон даяар зохион байгуулж байна.
Энэхүү ойн арга хэмжээн хүрээнд Монголын морин спорт, уяачдын холбооны Ерөнхийлөгч МУТМУ Ц.Батсайханаар ахлуулсан баг 2021 оны 06 дугаар сарын 05-07-ны өдрүүдэд Дорнод аймгийн зарим сумдад томилолтоор ажиллаа.
Томилолтын баг 4 сумын 250 орчим уяачидтай уулзалт зохион байгуулж, холбооны бодлого, үйл ажиллагаа, цаашид хийж, хэрэгжүүлэх ажлын талаар танилцуулж, Дорнод аймгийн салбар холбоо 1526 уяачдыг цахим нэгдсэн бүртгэлд бүртгэлжүүлсэн талаар тайлан мэдээг төв холбоонд ирүүлээд байна.
Түүнчлэн ойн баярыг тохиолдуулан сум тус бүрээс нийлсэн 196 уяачдыг холбооны нэрэмжит одон, медаль, тэмдгүүдээр шагнаж, урамшуулан баяр хүргэсэн байна.
МОНГОЛЫН МОРИН СПОРТ, УЯАЧДЫН ХОЛБООНЫ АЖЛЫН АЛБА