ТОМИЛОЛТ: ММСУХ-НЫ УДИРДЛАГУУД ГОВЬСҮМБЭР АЙМАГТ АЖИЛЛАЖ БАЙНА
ММСУХолбоо орон нутагт
Монголын Морин Спорт Уяачдын Холбооны 25 жилийн ойг тохиолдуулан орон нутгийн салбар холбоод, гишүүд уяачидтайгаа хийх нэгдсэн уулзалтыг улс орон даяар зохион байгуулж байна.
Энэ ажлын хүрээнд ММСУХ-ны Ерөнхийлөгч Ц.Батсайхан, Ерөнхий нарийн бичгийн дарга Ч.Хишигбаатар, Ажлын албаны дарга Б.Батбаатар нараар ахлуулсан томилолтын баг 2021 оны 05 дугаар сарын 30, 31-ний өдрүүдэд Говьсүмбэр аймагт ажиллаж, 3 сумын 100 гаруй уяачидтай нэгдсэн уулзалт зохион байгуулж, холбооны бодлого, үйл ажиллагаа, цаашид хийж, хэрэгжүүлэх ажлын талаар танилцуулж, уяачдыг цахим нэгдсэн бүртгэлд бүртгэлжүүлэх ажлыг зохион байгууллаа.
Түүнчлэн уяачдыг төрийн дээд шагнал, холбооны нэрэмжит шагнал, 25 жилийн ойн медаль, тэмдгүүдээр шагнаж, урамшуулан уяачидадаа баяр хүргэлээ.
Мөн Говьсүмбэр аймгийн МСУХ-ны уяачдын шинэ өргөөний шавь тавих ёслолын ажиллагаанд оролцлоо.
МОНГОЛЫН МОРИН СПОРТ, УЯАЧДЫН ХОЛБООНЫ АЖЛЫН АЛБА