"Бөртэ чоно-2019" цомын эзэн боллоо.
Монголын спортын салбарын оны шилдгүүдийг тодруулах, Монголын үндэсний олимпийн хорооны Тэргүүн дээд шагнал гардуулах "Бөртэ Чоно 2019" ёслолын ажиллагаа 2019.12.13-ны өдөр "Корпорейт-2" зочид буудлын Концертын их танхимд зохион байгуулагдлаа.
2002 оноос эхлэлтэй "Бөртэ Чоно" Тэргүүн дээд шагналын ёслолын ажиллагаа нь өдгөө 18 дахь удаагаа зохион байгуулагдлаа.
Монголын Үндэсний Олимпийн хорооны Тэргүүн дээд шагнал гардуулах ёслол “Бөртэ Чоно” наадмын 2019 оны “Үндэсний шилдэг салбар холбоо”-гоор Монголын морин спорт, уяачдын холбоо шалгарлаа.
"Үндэсний шилдэг салбар холбоо"-гоор шалгарч Бөртэ-Чонын эзэн болсон ММСУХ түүний 21 аймаг, 330 сум, нийслэл дүүргийн салбар холбоод болон түүний үе үеийн удирдлага, гишүүд, нийт уяачиддаа, хурдан морины зүтгэлтэн, уралдаанч бяцхан хүүхдүүддээ халуун баяр хүргэе.
МОНГОЛЫН МОРИН СПОРТ, УЯАЧДЫН ХОЛБООНЫ ЕРӨНХИЙЛӨГЧ Ц.БАТСАЙХАН
ЕРӨНХИЙ НАРИЙН БИЧГИЙН ДАРГА Ч.ХИШИГБААТАР