Ардын хувьсгалын 91 жилийн ой Үндэсний их баяр наадам их насны уралдаан
Их насны морьдын уралдаанд 419 хурдан ажнай гарааны зурхайнаас нэгэн зэрэг эргэж 25 км замыг туулж уралдлаа.
-Говь-Алтай аймгийн Шарга сумын уугуул Монгол улсын Манлай уяач Хадбаасангийн Бат-Эрдэнийн хурдан хүрэн морь түрүүлж, торгон жолоогоо өргүүлэв. Хүрэн морийг Хэнтий аймгийн Дадал сумын уяач Монголын улсын манлай уяач Б.Бат-Өлзий уяж хурдлуулав.
-Аман хүзүүнд Гачуурт тосгоны уяачдын холбооны тэргүүн, нийслэлийн Алдарт уяач Ховд аймгийн Дарви сумын уугуул Үржинбадамын Атарсайханы "Ембүү" хулхурдаллаа. -
-Айргийн гуравт Орхон аймгийн Баян-Өндөр сумын харьяат монгол улсын гавьяат дасгалжуулагч Д.Баясгалангийн хүрэн морь хурдлав. Энэ хурдан хүлэг "Эрдэнэт-2010" хангайн бүсийн соёолон морьдын уралдаанд хол тасархай түрүүлж байсан билээ.
-Айргийн дөрөвт монгол улсын Шадар сайд, Монголын Морин Спорт, УяачдынХолбооны Ерөнхийлөгч М.Энхболдын халзан морь хурдалж наадамчин олноо баярлуулав. Энэ хурдан буян “Дүнжингарав-2012” хаврын бүсийн уралдаанд аман хүзүүнд хурдалсан хурдан хүлэг билээ.
-Айргийн тавд монгол улсын тод манлай уяач Сумьяасүрэнгийн Ганхуягийн борморь хурдаллаа. Тод манлай уяач С.Ганхуягийн бор морь 3 жил дараалан улсын баяр наадамд айрагдсан хурдан хүлэг билээ.